+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Ерболат Досаев теңге бағамының құбылмалы болу себебін айтты

2021 жылғы 11 тамыз 11:27
Бөлісіңіз:
Ерболат Досаев теңге бағамының құбылмалы болу себебін айтты

НҰР-СҰЛТАН. ҚазАқпарат – Бүгін Үкімет отырысында биылғы жеті айдағы әлеуметтік-экономикалық дамуды талқылау кезінде Ұлттық банк төрағасы Ерболат Досаев теңге бағымына қатысты түсінік берді, деп хабарлайды ҚазАқпарат тілшісі.

Ұқсас жаңалықтар
Қазақстан шикізаттық емес тауарлар экспортын 29 млрд доларға ұлғайтпақ Атырауда 9 айда экономикалық қылмыстардың залалы 2,8 млрд теңгені құрады ҚР Президенті ЕАЭО елдері азық-түлік қауіпсіздігін қамтамасыз ететін құжатты қабылдауын ұсынды

«Биылғы жылғы шілдеде теңге бағамы мұнай бағасының өсуі аясында бір АҚШ доллары үшін 424,45 теңгеге дейін 0,7%-ға нығайды. Шілде айындағы құбылмалылыққа қарамастан, мұнай бағасын белгілеу 76,33 АҚШ долларына дейін 1,6 пайызға өсті. ОПЕК+ тамыздан бастап мұнай өндіруді ай сайын ұлғайту туралы уағдаластыққа келісуі, сондай-ақ АҚШ-тағы қорлардың төмендеуі және отынға сұраныстың өсуі туралы деректер мұнай бағасын қалыптастыруға ықпал еткен негізгі факторларға жатады», - деді Е. Досаев.

Оның айтуынша, трансферттер бөлу үшін Ұлттық қор активтерін конвертациялау, квазимемлекеттік сектордың 480 млн АҚШ доллары сомасына сатылымдары және экспорттаушылардың салық төлемдері кезеңінде биржалық нарықта валюталық түсімді конвертациялауы теңгеге қосымша қолдау көрсетті.

«Іскерлік белсенділіктің қалпына келуі аясында тұтыну тауарлары импортының жоғары өсу қарқыны шетел валютасына шамадан тыс сұраныс тудыруды және теңгенің нығаюына шектеуші әсер етуді жалғастыруда. Биылғы жылғы тамыздың басынан бастап коронавирустың дельта-штамымен аурудың өсуі аясында жаһандық экономиканың перспективалары бойынша белгісіздікке байланысты мұнай нарығында қысым күшейе түсті», - деді ҰБ басшысы.

Оның сөзіне қарағанда, мұнайдың құбылмалылығы және тәуекел-сентименттің өзгеруі теңгенің айырбастау бағамына қысым көрсетуін жалғастыруда.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT