Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Ербол Назарбаев Антикордағы қызметінен босатылған

2022 жылғы 3 мамыр 09:21

НҰР-СҰЛТАН. ҚазАқпарат - Ербол Назарбаев Антикорда арнайы департамент басшысының орынбасары қызметінен босатылды, деп хабарлайды ҚазАқпарат.

Бұл жайында Сыбайлас жемқорлыққа қарсы қызмет мәлім етті.

«Әлеуметтік желілерде тарап жатқан видеоға байланысты мынаны хабарлаймыз: 2022 жылғы 26 қаңтарда агенттік төрағасының бұйрығымен Е. Назарбаев агенттіктің арнайы департаменті басшысының орынбасары қызметінен босатылды» делінген хабарламада.

Ал 2022 жылғы 14 сәуірде ол Сыбайлас жемқорлыққа қарсы қызмет органдарынан шығарылған.

Айта кетейік, бұған дейін желіде шамамен өткен жылдың соңында түсірілген видео тараған еді. Онда құзырлы органдар терезесі көлегейленген көлікті тоқтатқан. Видеода машинаның рулінде Ербол Назарбаев болғаны айтылады.


Новости по теме
Серіктестер жаңалықтары