16:21, 03 Маусым 2018 | GMT +6
Ерасыл Мұрат ITF G5 «Tirana Open» теннис турнирінде жеңіске жетті
АСТАНА. ҚазАқпарат - Қазақстандық теннисші Ерасыл Мұрат Тирана (Албания) қаласында өткен ITF G5 турнирінде жеңімпаз атанды. Ол финалда Артур Феруды 6:3,6:2 есебімен жеңді, деп хабарлайды ҚазАқпарат тілшісі Қазақстанның теннис федерациясына сілтеме жасап.
Турнир барысында Ерасыл Мұрат жартылай финалда Марио Алексистен (Черногория) басым түсті. Матч қорытындысы - 6:3,5:7,6:1. Турнирдің ширек финалында үш сетте Сербиядан келген Никола Кижач есімді теннисшіні 3:6,7:5,6:3 есебімен жеңді. Екінші раундтағы матчта жерлесіміз италиялық Андреа Де Берчиді, ал бірінші айналымдағы матчта Аустриядан келген Леон Ройдерді 7:5, 6:0 есебімен жеңіп шықты.