+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Ералы Тоғжанов Еңбек министріне бірқатар нақты тапсырма берді

2020 жылғы 17 ақпан 13:07
Бөлісіңіз:
Ералы Тоғжанов Еңбек министріне бірқатар нақты тапсырма берді

НҰР-СҰЛТАН. ҚазАқпарат – Балалар арасында мүгедектер саны артып барады. Бұл туралы ҚР Еңбек және халықты әлеуметтік қорғау министрлігінің кеңейтілген алқа мәжілісінде Үкімет басшысының орынбасары Ералы Тоғжанов айтты, деп хабарлайды ҚазАқпарат тілшісі.

Ұқсас жаңалықтар
Жалақысы сақталмайтын демалысқа жіберілген қазақстандықтарға әлеуметтік төлем беріле бастады Алматыда кімдерге әлеуметтік төлем беріледі Мәжбүрлі түрде еңбек демалысына шыққандарға төлем төленеді – министрлік

«Біріншіден – әлеуметтік аз қамтылған отбасыларды қолдау. Бұл атаулы әлеуметтік көмек қаржылай және балаларға әлеуметтік топтама түрінде берілетіндігін жақсы білесіздер. Бұл биылғы жылдың үлкен жаңалығы деп айтсам артық емес. Халықтың қабылдауы да жақсы. Әр балаға берілген 20 мың теңгелік көмек биыл аз қамтылған отбасылардағы балаға орташа есеппен 26 мың теңгеге жейін жеткізіліп отыр. Оның ішінде бірнеше бағыттар бар екенін білесіздер. Атаулы әлеуметтік көмек, азық-түлік, жол жүру шығындары, мектепке керек-жарақтар, ыстық тамақ бар», - деді ол.

Оның айтуынша, ең маңыздысы әрбір өңір өзінің аз қамтылған отбасыларын біліп, олардың мұқтаждықтан шығуына жағдай жасауы қажет.

«Еңбек министрлігіне өңірлермен бірлесіп, осы бағыт бойынша 2 апталық мерзімде кешенді талдау жасап, қорытынды шығаруды ұсынамын. Екіншіден, ана мен баланы қолдауға байланысты қарастырылған қаражат көлемі 50 пайызға өсті. Бұл да ел арасында жақсы қабылданып жатқан шешімдердің бірі. Бірақ, мұны халық арасында нақтылап түсіндіруге тиіспіз. Үшіншіден, мүгедектігі бар азаматтарды қолдауға байланысты соңғы 5 жылда олардың саны өсуде. Әсіресе, балалардың арасында өсім 23 пайыз деңгейінде болып тұр. Бұл ретте неге деген сұрақтың тұрғаны да белгілі. Бұл сауалдың нақты жауабы анықталуы тиіс. Еңбек министрлігі басқа министрліктермен, органдармен бірге осы мәселені жан-жақты қарастырып, 1 айдың ішінде нақты ұсыныстар енгізуді тапсырамын», - деді Ералы Тоғжанов.

Сонымен қатар ол Еңбек министрлігіне «Атамекен» ҰКП-мен және Кәсіподақтар федерациясымен бірлесіп, 1 айдың ішінде мүгедектерді жұмыспен қамту бойынша нақты ұсыныстар енгізуді тапсырды.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT