+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

ЕО-ның Орталық Азия бойынша жаңа арнайы өкілі тағайындалды

2021 жылғы 22 маусым 01:04
Бөлісіңіз:
ЕО-ның Орталық Азия бойынша жаңа арнайы өкілі тағайындалды

БРЮССЕЛЬ. ҚазАқпарат - Бүгін Еуропалық одаққа мүше мемлекеттердің сыртқы істер министрлерінің отырысы кезінде ЕО-ның Орталық Азия бойынша жаңа арнайы өкілі тағайындалды, деп хабарлайды ҚазАқпарат тілшісі.

Бұл қызметке финляндиялық Терхи Хакала лайық деп танылды. ЕО-ның Орталық Азия бойынша жаңа арнайы өкілінің мандаты 2021 жылдың 1 шілдесінен басталады және 2023 жылдың 28 ақпанына дейін күшінде болады.

Терхи Хакала - ЕО-ның Орталық Азиядағы және шығыстағы достас елдермен жұмыс бойынша, соның ішінде Еуропадағы Қауіпсіздік және Ынтымақтастық Ұйымы (ОБСЕ) желісі бойынша мол тәжірибесі бар фин дипломаты.

Т.Хакала шет елдерде түрлі дипломатиялық қызметтер атқарған. Соның ішінде Ресейде, оңтүстік және оңтүстік-шығыс Азияда, Швейцарияда елшілік деңгейіндегі қызметтерді атқарған.

Соңғы қызметі - Финляндия сыртқы істер министрлігіндегі технология және қауіпсіздік мәселелері бойынша елші.

Ол орыс және ағылшын тілдерінде еркін сөйлейді.

Бұған дейін ЕО-ның Орталық Азия бойынша арнайы өкілі қызметін Словакия өкілі Петер

Буриан атқарған еді.

Автор: АРНУР РАХИМБЕКОВ

Біздің каналымызға жазылыңыз:

Бөлісіңіз:

Автор:

Ербол Жанат

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT