+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Энергетика саласындағы жобаларда 12 мыңнан астам жұмыс орны құрылады

2021 жылғы 28 қыркүйек 10:53
Бөлісіңіз:
Энергетика саласындағы жобаларда 12 мыңнан астам жұмыс орны құрылады

НҰР-СҰЛТАН. ҚазАқпарат – Бүгін Үкімет отырысында Индустрияландыру картасы жобаларын талқылау кезінде Энергетика министрі Мағзұм Мырзағалиев отын энергетикасы саласындағы жобалар туралы айтты, деп хабарлайды ҚазАқпарат тілшісі.

Ұқсас жаңалықтар
Қарағанды облысында ең ескі ЖЭО жаңғыртылады Сұйытылған газ бағасына қатысты түсінік бере алмаймын – Энергетика министрі 2025 жылға дейін ауасы барынша ластанған 10 қала газға көшеді

«Индустрияландыру картасын іске асыру аясында министрлік облыс әкімдіктерімен бірлесіп, отын-энергетика кешені саласында 4,5 трлн теңге құрайтын 19 жобаны іске асыруда. Республикалық картада 4,3 трлн теңге сомасына үш жоба көзделген. Бұл жобалар аясында шамамен 12 550 жұмыс орны құрылады. Оның ішінде құрылыс кезеңінде он бір мыңға жуық адам және пайдалану кезеңінде 1 650 адам жұмыспен қамтылатын болады. 2021 жылы 25 млрд теңге болатын бір жоба жүзеге асырылды», - деді М. Мырзағалиев.

Оның айтуынша, жалпы сомасы 4,3 трлн теңге болатын 2 жоба қазіргі таңда іске асырылып жатыр. Сондай-ақ Өңірлік картада екі жүз млрдтеңге сомасына 16 жоба көзделген. Бұл жерде үш мыңға жуық жұмыс орнын құру жоспарланып отыр. Атап айтқанда, құрылыс кезеңінде екі жарым мың адамды және пайдалану кезеңінде 450-ше жуық адамды жұмыспен қамту көзделген. Бүгінгі таңда бір жоба салынып бітті. Оның жалпы сомасы 1,9 млрд теңгені құрады. 15 жоба іске асырылып жатыр. Олардың жалпы сомасы – екі жүз млрд теңгеге жуық.

«Оның ішінде 14 жобаны биыл жүзеге асыру жоспарланып отыр. Бір жобаны іске асыру 2022 жылға жоспарланған», - деді министр.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT