USD 434.48 EUR 492.61
RUB 5.68 CNY 68.44
Jańalyqtar

Энергетика министрі мұнай-газ-химия саласында іске асатын ірі жобаларды атады

2021 жылғы 30 қараша 10:39
Бөлісіңіз:
Энергетика министрі мұнай-газ-химия саласында іске асатын ірі жобаларды атады

НҰР-СҰЛТАН. ҚазАқпарат – Мұнай-газ-химия саласында ел экономикасына 8,6 млрд доллар инвестиция тартатын 2 жоба іске асырылады. Бұл туралы Үкімет отырысында ҚР Энергетика министрі Мағзұм Мырзағалиев айтты, деп хабарлайды ҚазАқпарат тілшісі.

Ұқсас жаңалықтар
Сұйытылған газды электронды алаңда сату бір жылға шегерілді Энергетика министрі жанармай түрлерінің шекті бағасын атады Мемлекет басшысы жанар-жағармай бағасына қатысты пікір білдірді

«Мұнай-газ-химия саласында бірқатар ірі жобаларды, атап айтқанда полиэтилен және бутадиен өндірісі бойынша жобаларды іске асыру жоспарлануда», - деді өңдеу өнеркәсібін дамыту туралы баяндаған министр.

Оның дерегінше, полиэтилен жобасы бойынша бүгінгі таңда «СИБУР» компаниясымен ынтымақтастықтың базалық шарттары бойынша келісімдерге қол қойылды. Ал бутадиен жобасы бойынша осы жылдың мамыр айында «Татнефть» компаниясымен стратегиялық серіктес ретінде жобаны бірлесіп іске асыру туралы келісімге қол жеткізілді. Жобаның техникалық-экономикалық негіздемесін әзірлеу жүргізілуде.

«Бұл жобаларды іске асыру Қазақстан экономикасына шамамен 8,6 млрд АҚШ долларын тартуға мүмкіндік береді», - деді Мағзұм Мырзағалиев.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT