+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Энергетика министрі дизель бағасының қымбаттауына қатысты пікір білдірді

2021 жылғы 6 қазан 12:55
Бөлісіңіз:
Энергетика министрі дизель бағасының қымбаттауына қатысты пікір білдірді

НҰР-СҰЛТАН. ҚазАқпарат – Елімізде дизель отынын тұтыну көлемі рекордтық деңгейге жетті. Қазақстанда дизель отынын тұтыну мен оның бағасына қатысты Энергетика министрі Мағзұм Мырзағалиев түсінік берді, деп хабарлайды ҚазАқпарат тілшісі.

«Елдегі дизель отынын тұтыну көлемі туралы айтатын болсақ, ол тарихи көрсеткішке жетті. Биыл тамыз-қыркүйек айларында шамамен 520-540 мың тонна дизель отыны пайдаланылған. Бұл - елімізде бұрын-соңды болмаған рекордтық көрсеткіш», - деді Мағзұм Мырзағалиев елордада өтіп жатқан «KIOGE-2021» халықаралық мұнай және газ көрмесінде тілшілердің сұрағына жауап бере отырып.

Сондай-ақ, министр еліміздегі жанар-жағармай бағасына қатысты түсініктеме беріп өтті.

«Айта кету керек, дизель отыны және басқа да жанар-жағармай түрлерінің бағасы реттелмейді. Бағаны сұраныс пен ұсынысқа сүйене отырып нарық реттейді. Сондықтан да біздің министрліктің бағаны белгілеуге еш қатысы жоқ. Бүгінде мұнай бағасының өскені байқалады. Бір-екі күннің ішінде баррелі 78 доллардан 82 долларға дейін өсті. Әрине, мұнай бағасының өзгеруі жанар-жағармайдың бағасына әсер етеді», - дейді ол.

Бұған дейін ведомство басшысы қазан айы бойы елімізге кем дегенде 100 мың тонна дизель отыны жеткізілетінін айтқан еді.


Біздің каналымызға жазылыңыз:

Бөлісіңіз:

Автор:

Әли Ибраев

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT