+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Еңбекақы төлеу қорынан бірыңғай төлем енгізіледі

2021 жылғы 23 қыркүйек 17:24
Бөлісіңіз:
Еңбекақы төлеу қорынан бірыңғай төлем енгізіледі

НҰР-СҰЛТАН. ҚазАқпарат – Микро және шағын бизнеске жүктемені азайту мақсатында еңбекақы төлеу қорынан бірыңғай төлем енгізіледі. Бұл туралы Үкімет үйінде өткен брифингте ҚР Премьер-министрінің бірінші орынбасары Әлихан Смайылов айтты, деп хабарлайды ҚазАқпарат тілшісі.

Ұқсас жаңалықтар
Әлеуметтік кодекс қашан қабылданады Азық-түлік өнімдерінің бағасын тұрақтандырудың маңызы зор — Асқар Мамин 4 мыңнан астам ерекше қажеттілігі бар бала Оңалту орталықтарында көмек алды

«Мемлекет басшысы «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауында жоғары сапалы экономикалық өсуді қамтамасыз ету және халықтың өмір сүру деңгейін жақсарту бойынша нақты міндеттерді қойды. Үкіметтің қаржы-экономикалық блогының жұмысы мынадай негізгі бағыттар бойынша жүргізілетін болады. Президенттің инфляцияны белгіленген дәліздерге қайтару тапсырмасын іске асыру мақсатында Үкімет 2021-2024 жылдарға арналған инфляцияға қарсы әрекет ету іс-шаралары кешенін қабылдады», - деді ол.

Оның атап өтуінше, аталған жоспар аясында бағалардың өсуін тежеуге және әлеуметтік маңызы бар азық-түлік тауарларының қолжетімділігін ұлғайтуға бағытталған жедел және жүйелі сипаттағы 64 іс-шараны іске асырылуы көзделген.

«2022 жылы кәсіпкерлікті дамыту үшін «Қарапайым заттар экономикасы» және «Бизнестің жол картасы» бағдарламаларын іске асыру жалғасады. Жалпы, қаржыландыру көлемі 1 трлн. теңгені құрайды. Микро және шағын бизнеске жүктемені азайту мақсатында еңбекақы төлеу қорынан бірыңғай төлем енгізілетін болады. Бұл осы төлемдерді есептеу мен төлеу тәртібін оңайлатуға, сондай-ақ еңбекақы төлеу қорына түсетін жалпы жүктемені 2023 жылдан бастап 34-тен 25 пайызға дейін төмендетуге мүмкіндік береді», - деді Әлихан Смайылов.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT