Еңбек және халықты әлеуметтік қорғау министрі елордалық ардагерлерді құттықтап, мерейтойлық медальдарды табыс етеді

АСТАНА. Мамырдың 3-і. ҚазАқпарат - Ертең, мамырдың 4-інде Еңбек және халықты әлеуметтік қорғау министрі Гүлшара Әбдіқалықова елордалық ардагерлерді құттықтап, мерейтойлық медальдарды табыс етпек. Бұл туралы аталған министрліктің баспасөз қызметінен хабарлады.

«Ұлы Отан соғысындағы Жеңістің 65 жылдығы қарсаңында ҚР Еңбек және халықты әлеуметтік қорғау министрі Гүлшара Әбдіқалықова елордамыздағы Ұлы Отан соғысы ардагерлерінің үйлеріне барып жүздесіп, Отан үшін от кешкен қарттарымызды құттықтап, мерейтойлық медальдар табыстайды», делінген баспасөз хабарламасында.