+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Еңбек министрі көпбалалы аналардың талабына қатысты пікір білдірді

2019 жылғы 12 маусым 19:31
Бөлісіңіз:
Еңбек министрі көпбалалы аналардың талабына қатысты пікір білдірді

НҰР-СҰЛТАН. ҚазАқпарат - ҚР Еңбек және халықты әлеуметтік қорғау министрі Бердібек Сапарбаев жақында көпбалалы аналардың қатысуымен өткен кездесуге қатысты пікір білдірді, деп хабарлайды ҚазАқпарат тілшісі.

«Аналар көтерген ең басты мәселе - ол баспана. Біріншіден, олар кезектен тыс баспана бергенді талап етуде. Екіншіден, бастапқы жарнасыз, несиесіз болғанын алға тартуда. Алайда, бұлай болмайды, барлығы заңды негізде іске асырылуы керек. Бізде қарапайым азаматтар кезекте тұр. Яғни осы адамдарға пәтер бермей, кезекте тұрмаған бұл әйелдерге береміз бе?» - деді Бердібек Сапарбаев Парламент Мәжілісінде тілшілердің сауалына жауап бере отырып.

Министрдің айтуынша, бүгінде Қазақстанда 31 мың көпбалалы отбасы бар.

«Үкімет үш жылдың ішінде оларды пәтермен қамтамасыз ету міндеттемесін өзіне алды. Ал жағдайы өте қиын және баспанасы жоқ әйелдердің мәселесіне тоқталсақ, біз олармен жұмыс істеп, демеушілерді тартып жатырмыз», - деді Б. Сапарбаев.

Сонымен қатар, министр ереуілге шыққан көпбалалы аналардың арасында жұмысқа орналастыруды сұрағандар аз болағынын айтты.

«Өкінішке қарай, жұмысқа орналастыруды сұрағандар аз болды. Бұл өз кезегінде бізді алаңдатып отыр. Егер де олар жұмыс сұраса, онда бұл басқа мәселе. Біз олардың мамандығы болмаса да жұмыс ұсынып жатырмыз. «Еңбек» бағдарламасы аясында мемлекет есебінен оқыту мүмкіндігі бар. Осы орайда мамандыққа оқытып, кейіннен жұмысқа орналасуға көмектесеміз немесе мемлекет есебінен өтеусіз грант береміз», - деді ведомство басшысы.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT