+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Еңбек министрі Аружан Саинның 42 500 теңгеге қатысты сынына жауап берді

2020 жылғы 16 шілде 17:00
Бөлісіңіз:
Еңбек министрі Аружан Саинның 42 500 теңгеге қатысты сынына жауап берді

НҰР-СҰЛТАН. ҚазАқпарат – ҚР Еңбек және халықты әлеуметтік қорғау министрі Біржан Нұрымбетов 42500 теңге жәрдемақы туралы Аружан Саинның сынына жауап берді, деп хабарлайды ҚазАқпарат.

Ұқсас жаңалықтар
2,3 млн қазақстандық 21 250 теңге алды – Еңбек министрлігі 2,3 млн қазақстандыққа 42 500 теңге біржолғы төлем берілді – Еңбек министрлігі 2,27 млн адамға 21 250 мың теңге төлем берілді - Еңбек министрлігіне

ҚР Бала құқықтары жөніндегі уәкіл Аружан Саин 42500 теңгенің балалы отбасына жетпейтінін, жәрдемақыны бала санына қарай тағайындау қажеттігін айтқан еді.

«42 500 теңге – еліміздегі жалғыз әлеуметтік төлем емес. Бізде бюджеттен 39 әлеуметтік төлем, ай сайын шамамен 300 млрд теңге төленеді. Оның ішінде 8 жәрдемақы мен 3 төлем – балалы отбасыларға қолдау көрсетуге бағытталған. Бала туғанда берілетін төлем, бала күтімі және биыл бала санына қарай тағайындалатын жаңа мемлекеттік әлеуметтік жәрдемақы енгіздік. Бүгінде 1 млн 700 мыңнан астам бала тәрбиелеп отырған 390 мың көпбалалы отбасы осы жәрдемақыны алып отыр», - деп атап өтті министр Орталық коммуникациялар қызметінде.

Сонымен бірге, министр табысы төмен отбасылардың адам санына қарай тағайындалатын атаулы әлеуметтік көмек алатынын еске салды.

«Қазіргі уақытта 128 мың отбасы немесе 660 мың адам атаулы әлеуметтік көмек алады, оның ішінде 442 мың бала бар. Олар да мемлекеттің кепілдендірілген әлеуметтік пакетін алады. Сондықтан, балалы отбасыларға әлеуметтік төлем саясаты жүзеге асырылып келеді. Және балаларға қатысты төлемдер өткен жылмен салыстырғанда 1,5 есе артты. Өткен жылы бұл шығындар 372 млрд теңге болса, биыл – 581,5 млрд теңге бөлінді. Дегенмен, әр төлемнің негіздемесі болатынын түсіну керек. 42 500 теңге – мемлекеттің жұмыс істейтін азаматтарға деген аз да болса көмегі. Егер бір отбасында бірнеше адам жұмыс істесе, тиісінше әрқайсысына 42 500 теңгеден беріледі», - деді Біржан Нұрымбетов.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT