USD 434.84 EUR 498.2
RUB 5.72 CNY 68.47
Jańalyqtar

Еңбек министрі: 30 мың ер адам жұмыс істемей, АӘК-пен күн көруде

2019 жылғы 12 желтоқсан 13:36
Бөлісіңіз:
Еңбек министрі: 30 мың ер адам жұмыс істемей, АӘК-пен күн көруде

НҰР-СҰЛТАН. ҚазАқпарат – Елімізде 30 мыңнан астам ер адам жұмыстан бас тартып, балаларына төленетін атаулы әлеуметтік көмек қаржысына өмір сүруде. Бұл туралы ҚР Еңбек және әлеуметтік қорғау министрі Біржан Нұрымбетов айтты, деп хабарлайды ҚазАқпарат тілшісі.

Ұқсас жаңалықтар

«Жаңа заң аясында табысы төмен отбасыларға атаулы әлеуметтік көмек тағайындалады. Сонымен қатар, отбасында еңбекке жарамды адамдар болса, оларға жұмыс ұсынамыз. Егер де жұмысқа қабілетті осы адам қызметтен бас тартса, онда АӘК бүкіл отбасына төленбейтін болады», - деді министр.

Осы орайда, ол қолданыстағы заңнамада еңбекке жарамды отағасы жұмыстан бас тарса, бүгінде тек еңбекке қабілетті адамға ғана қатысты әлеуметтік көмек тоқтатылатынын еске салды.

«Бізде ұсынылған жұмыстан бас тартатындар өте көп. Елімізде тепсе темір үзетін 30 мыңнан астам ер адам жұмыстан бас тартып, балаларына төленетін атаулы әлеуметтік көмек қаржысына өмір сүруде. Меніңше, бұл жағдай дұрыс емес, ер азамат жұмыс істеуі керек. Атап айтқанда, егер ол жұмысқа тұрса, оның отбасына берілетін АӘК төлемдері жалғаса береді. Жалпы, біз еңбекке жарамды адамдардың жауапкершілігін арттыруды ұсынудамыз», - деді ведомство басшысы.

Бұл тұрғыда ол өңірлерге сапарлары кезінде қандай жағдайға тап болғанын айтты.

«Екі айдың ішінде 15 өңірге барып, халықпен кездестім. Осы орайда көптеген шаруа қожалықтарының өкілдері адамдар ұсынылған жұмысқа бармай жатқанын айтты. Өйткені зайыбы 200 мың теңге атаулы әлеуметтік көмек алғандықтан, отағасы 100 мың теңгенің жұмысына кіруден бас тартуда. Түркістанда ауқымды құрылыс жүруде, алайда ер азаматтар 150 мың теңгелік жалақыға бармай жатыр. Себебі, олардың отбасына 200 мың теңге сомасында АӘК төленуде. Жалпы, еңбекке жарамды отағасы жұмыс істегені дұрыс», - деді Б. Нұрымбетов.

Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT