01:09, 16 Қараша 2019 | GMT +6
Ең ұзақ әуе рейсін жасаудан рекорд жаңартылды
НҰР-СҰЛТАН. ҚазАқпарат – Аустралиялық Qantas Airlines әуе компаниясының ұшағы әуеде ең ұзақ авиарейсті орындады. Бұл туралы аталмыш компания өзінің ресми сайтында жариялады, деп хабарлайды ҚазАқпарат.
Лондоннан шыққан Boeing 787-9 Dreamliner лайнері Сиднейге дейін әуеде 19 сағат 19 минут болған. Осы уақыттың ішінде борттағы 50 жолаушы күннің екі рет - Еуропа мен Азияда шыққан сәтін көрді.
Айта кетсек, 2019 жылғы қазанда әуе компаниясы Нью-Йорк –Сидней бағыты бойынша 19 сағат 14 минут ұшып, ешқайда аялдамай ең ұзақ авиарейс жасаудан рекорд орнатқан болатын.