USD 434.84 EUR 498.2
RUB 5.72 CNY 68.47
Jańalyqtar

Емханаларда педиатрлардың қабылдауы қайта жанданады - Тамара Дүйсенова

2016 жылғы 20 қыркүйек 13:52
Бөлісіңіз:
Емханаларда педиатрлардың қабылдауы қайта жанданады - Тамара Дүйсенова

АСТАНА. ҚазАқпарат - Биылдың соңына дейін қазақстандық емханаларда балаларды педиатрлардың жекелей қабылдауы қайта жанданады.

Бұл туралы бүгін Үкімет отырысынан кейінгі баспасөз мәслихатында ҚР Денсаулық сақтау және әлеуметтік даму министрі Тамара Дүйсенова мәлім етті.

«Жалпы, педиатрлық факультеттер жабылған жоқ. Денсаулық сақтау құрылымындағы білім беру бағдарламасына қарайтын болсақ, ол екі бөлікке бөлінеді. Біріншісі, базалық бөлім, яғни онда таңдаған мамандығына қарамастан барлығы оқытылады»,-деп түсіндірді Т. Дүйсенова.

Оқытудың екінші бөлімінде студенттер мамандықтар бойынша бөлініп, нақты бағытта білім алады.

«Осы ретте біз биыл педиатрия мамандары үшін және магистратура бағытында да бағдарламаны кеңейттік. Сондықтан да педиатр факультеттерін жоқ деп айту дұрыс емес»,-деді министр.

Сөз соңында ол бүгінде емханаларда балаларды педиатрлардың бөлек қабылдауы бағытын қайта жаңғырту мәселесі қарастырылып жатқандығын, сондай-ақ жыл соңына дейін бұл мәселе шешімін табатынын атап өтті.

Бұдан бұрын хабарлағандай, Бала құқықтары жөніндегі уәкіл, ҚР Парламенті Мәжілісінің депутаты Зағипа Балиева білім беру жүйесіне педиатрия институтын жандандыру бойынша белсенді жұмыстар жүргізіп жатқандығын айтқан болатын.

Медициналық жоғары оқу орындарының үдерісі жетілдірілгенін еске салып өткен ол, осы ретте педиатрия факультеті емдеу факультетімен біріктірілгенін атап өтті. Бұл тұрғыда Қазақстан Республикасындағы Бала құқықтары жөніндегі уәкіл ретінде З. Балиева осымен келіспейтінін жеткізді.

Оның пайымынша, кез келген педиатр ересек адамға ем-дом жасаса да, алайда терапевт баланы емдей алмайды. Себебі, сәбидің ағзасы ересек адамнан өзгеше болғандықтан, бұл бағытта тиісті қадамдар болуы тиіс.

Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT