+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Елжан Біртанов тегін дәрі-дәрмектің сатылуымен күрес қалай жүргізілетінін айтты

2020 жылғы 27 ақпан 14:02
Бөлісіңіз:
Елжан Біртанов тегін дәрі-дәрмектің сатылуымен күрес қалай жүргізілетінін айтты

НҰР-СҰЛТАН. ҚазАқпарат – ҚР Денсаулық сақтау министрі Елжан Біртанов науқастарға тегін берілетін дәр-дәрмектің сатылымға шығарылуымен күрес қалай жүргізіліп жатқанын айтты, деп хабарлайды ҚазАқпарат тілшісі.

Ұқсас жаңалықтар
Шымкентте жедел жәрдем қызметіне жүгінушілер саны азайған Әлемде коронавирус инфекциясын жұқтырғандар саны 13 млн-нан асты Жамбылдағы мектептер мен колледждерде медпункт ашылды

«Бізде тегін дәрі-дәрмек 2005 жылдан бастап беріледі және жыл сайын оның тізімін кеңейтіп жатырмыз. Мемлекет қосымша қаржы да бөледі. Ең маңызды мәселе - осы тегін дәрі-дәрмектің әр науқасқа тікелей жетуі. Біз оны бақылауда ұстауға тиіспіз. Өткен жылдары көптеген науқас адам бізге хабарласып, тегін дәрілерді ала алмағандықтарын немесе ұзақ күтетіндіктерін айтқан еді. Оның себебі жоспарлауға байланысты болды. Айталық, артериалдық гипертензиямен ауыратын 30 мыңнан астам адамға дәрі-дәрмекті жоспарлы түрде сатып алу үшін біз тікелей науқастардан ақпарат білуіміз қажет еді», - деді министр бүгін БАҚ өкілдерімен кездесуі барысында.

Оның айтуынша, 2015-2016 жылдары сырқат жандардан қажетті ақпараттарды жинау қағаз түрінде жүргізілді. Ал бұл кезегінде қажетті тегін дәрі-дәрмекті сатып алу жоспарының орыналуына кедергі келтіріп отырды. Сондықтан салаға цифрландыру жүргізіліп, созылмалы аурулармен ауыратын адамдар арнайы тізімге алынды. Бұл жұмыс 2018 жылы толық аяқталды. Ал 2019 жылдан бастап сол тізім арқылы ғана дәрігердің рецептімен тегін дәрі-дәрмектер науқастарға беріле бастады.

«Өткен жылы осы тегін берілетін дәрілер жеке дәріханалардан немесе шетелден табылды. Біз мұны өзіміз анықтап, құқық қорғау органдарына, Бас прокуратураға бергенбіз. Осы факті бойынша 28 қылмыстық іс қозғалды. Өткен жылдың желтоқсан айында Шымкент қаласы мен Түркістан облысында бірнеше медициалық қызметкер осындай қылмыспен ұсталып, шаралар қабылданды. Дегенмен, мұны бақылауға келгенде бірқатар қиындық бар. Қазіргі заңға сәйкес біздің мемлекеттік органдар, мәселен фармация қызметкерлері, инспекторлар жеке дәріханаларды, клиникаларды тексере алмайды. Сондықтан қазір кодекске арнайы нормалар енгізіп жатырмыз. Мысалы, азаматтардың денсаулығына байланысты мемлекеттік бақылау мүмкіндігін кеңейту, дәрі-дәрмектің сапасын, бағасын және жеткілікті екендігін бақылау үшін мүмкіндік жасау көзделіп отыр», - деді Елжан Біртанов.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT