Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Елжан Біртанов дәрігерлердің оқу мерзімін 6 жылға дейін қысқартуды ұсынды

2018 жылғы 6 желтоқсан 16:25 153
Бөлісіңіз:
Елжан Біртанов дәрігерлердің оқу мерзімін 6 жылға дейін қысқартуды ұсынды

АЛМАТЫ. ҚазАқпарат - Денсаулық сақтау министрі дәрігерлерді дайындау жүйесіндегі реформа туралы айтып берді, деп хабарлайды ҚазАқпарат тілшісі.

Ұқсас жаңалықтар
Назарбаев Университетінің ағылшынша оқыту бағдарламасы халықаралық сараптамадан сәтті өтті Елбасы: ҚазҰПУ педагогикалық білім беретін басты оқу орны болуға тиіс

Асфендияров атындағы ҚазҰМУ-дың 88 жылдығына арналған мерейтойда Елжан Біртанов медициналық білім беру саласында министрліктің рөлі азаятынын айтты.

«Жұмыс істеп жатқан дәрігерге халықтың қажеттілігін қамтамасыз ету үшін қандай білім керегін ғалымдар мен оқытушылар шешеді. Бірақ бұл университеттер не істегісі келсе, соны жасайды деген сөз емес. Жоғары оқу орындары білім берудің жаңа моделдерін анықтап, идея алмасатын қосымша жаңа институттар құрылуы қажет. Университеттерге әлемдік оқу-әдістемелік кеңестерінің базасы негізінде өзін-өзі басқаратын ұйымы құруды ұсынамыз», - деді Елжан Біртанов.

Бүгінде Қазақстанда 15 медициналық ЖОО бар. Олардың ішіне медициналық университеттер де, медицина факультеті бар жоғары оқу орындары да кіреді.

«Біз 5+1 бағдарламасы бойынша оқу ұзақтығын 7 жылдан 6 жылға дейін қысқартуды ұсынамыз. Солайша медициналық білімнің тәжірибелік жағын арттырсақ, интерндер мен резиденттер көп уақытын еліміздің клиникалық базаларындағы ғана емес, университет қабырғасындағы клиникаларда да өткізер еді. Тәжірибе көрсеткендей, теория практикадан басым болғанда, жас дәрігерлер еңбек нарығына бейімделу кезінде қиналады», - деді министр.

Екінші басты бағыт - клиникалық базаларды дамыту. Министрліктің мәліметінше, елдегі барлық медициналық университеттерің өз клиникалары бар.

«Биыл Алматыдағы 5 Ғылыми-зерттеу орталығын, клиникалық орталықтарды университет құрылымына бердік. Мұнда ғылыми қызметкерлерді білім беру бағдарламаларына тартуға болады. Бұл өз кезегінде резиденттердің біліктілігі жоғары маманнан білім алуына мүмкіндік береді. Сонымен қатар университеттерді басқару жүйесі де өзгермек. Корпоративтік басқару принципі енгізілді. Асфендияров университеті коммерциялық емес акционерлік қоғамға айналды. Бұл оқу орнына еркін академиялық мүмкіндіктер береді және университет кірістері мен активтерін өзі реттей алады», - деді Е.Біртанов.

Таңшолпан Бегалықызы

 

 

 

Біздің каналымызға жазылыңыз:

Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT