+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Елжан Біртанов Алматыда басы дауға қалған дәрігерлерге қатысты пікір білдірді

2019 жылғы 27 қыркүйек 16:57
Бөлісіңіз:
Елжан Біртанов Алматыда басы дауға қалған дәрігерлерге қатысты пікір білдірді

НҰР-СҰЛТАН. ҚазАқпарат – ҚР Денсаулық сақтау министрі Елжан Біртанов Алматы қаласы №4 клиникалық ауруханасының анестезиологы Асқар Тұңғышбаев пен сол аурухананың бас дәрігері Қанат Тезекбаевтың үстінен қозғалған қылмыстық іске қатысты пікір білдірді, деп хабарлайды ҚазАқпарат тілшісі.

«Алматылық дәрігерлерге қатысты айтар болсам, науқастың жағдайы қиындап, арты қайғылы жағдаймен аяқталса – бұл жағдайды заңнамалық контексте ғана қарау керек. Демек, тиісті механизм бар. Бұл жағдайда (өзінің кәсіби міндетін тиісті деңгейде орындамау бабы бойынша) қылмыстық іс қозғалды. Тергеу жұмыстары заң талаптарына сай жүргізілуі керек. Мемлекет басшысының тапсырмасы бар. Біз және басқа да мемлекеттік органдар бұл жағдайды бақылауда ұстап отырмыз. Яғни, толыққанды сараптама жүргізілуі керек. Дәрігерлердің қателігі немесе жұмысында кемшілігі болды ма? Егер қателік болса, сол қателік науқастың өліміне әкеп соқты ма? Бірақ, тергеу жүргізу денсаулық сақтау министрлігінің құзіретінде емес», - деді Елжан Біртанов Үкіметтің баспасөз орталығында.

Министр медициналық қызметкерлер тарапынан түсінбеушілік барын айтады.

«Бас бостандығынан айыру секілді бұлтартпаудың ауыр түрін қолдану қажет емес деп есептеймін. Жеткілікті дәрежеде білікті болғаннан кейін дәрігерлер ары қарай жұмыс істеуі тиіс. Сол себепті Мемлекет басшысының бұл жағдайға назар аударғанына қуанып отырмыз. Бұл жағдайға қатысты позициям осы. Эмоциясыз, заңнамалық талап бойынша тергеу жүргізу керек. Шешімді сот қабылдайды», - деді Елжан Біртанов.

Еске сала кетсек, бұған дейін Алматы қаласы мамандандырылған ауданаралық тергеу сотының қаулысына сәйкес, Асқар Тұңғышбаев (Алматы қаласы №4 қалалық клиникалық ауруханасының анестезиологы) пен Қанат Тезекбаев (Алматы қаласы №4 мемлекеттік клиникалық ауруханасының бас дәрігері) екі ай мерзімге қамалған болатын. Олар ҚР ҚК 317-бабы 3-бөлімінде қарастырылған қылмысты жасады деп күдікке ілініп отыр.

Қазақстан Президенті Қасым-Жомарт Тоқаев Германия ауруханасында жасалған отадан соң қайтыс болған науқастың өлімін заңға сәйкес тексеруді тапсырды. Сол күні Алматы қаласы №4 ауруханасының бас дәрігері Қанат Тезекбаев ешқайда кетпеу туралы қолхатпен босатылған еді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT