Елорданың орталығында қарасора өсірген күдіктілер ұсталды
2022 жылғы 21 маусым 20:57

Елорданың орталығында қарасора өсірген күдіктілер ұсталды

НҰР-СҰЛТАН. ҚазАқпарат - 20 маусым күні жедел-іздестіру іс-шараларын жүргізу барысында елордалық полиция қызметкерлері Нұр-Сұлтан қаласы бойынша ҰҚКД-мен бірлесіп, жертөле қабатындағы жалға алынған үй-жайда құрамында есірткі заттары бар, өсіруге тыйым салынған өсімдіктерді заңсыз өсірген екі ер адамды ұстады, деп хабарлайды Polisia.kz.

Жігіттер дайындалған бірінші партиядан өнім жинап үлгерген. Тінту іс-шаралары барысында қарасора өсіруге арналған арнайы жабдықтар алынды: шамдар, желдеткіштер, контейнерлер.

Сонымен қатар, тыйым салынған өсімдіктерді өсіруге арналған препараттар мен тыңайтқыштар, буып-түю материалдары, электронды таразылар тәркіленді. Күдіктілер қылмыстық ниетті іске асыру мақсатында жылу режимі мен ылғалдықты сақтай отырып, желдеткіштерді, шамдарды, тамшылатып суару жүйесін орнату арқылы есірткі өсімдіктерін өсіруге жағдай жасаған.

Аталған факті бойынша ҚР ҚК-нің 300-бабы «Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру» бойынша сотқа дейінгі тергеу жүргізілуде. Сараптама тағайындалды. Күдіктілер Нұр-Сұлтан қаласы ПД УҰИ-ға қамалды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT