+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Елорданың қай аумағында ақылы автотұрақтар пайда болады

2019 жылғы 16 шілде 14:15
Бөлісіңіз:
Елорданың қай аумағында ақылы автотұрақтар пайда болады

НҰР-СҰЛТАН. ҚазАқпарат – «Астана тұрақ кеңістігі» ЖШС директоры Шыңғыс Досыбаев елорданың қай аумақтарында ақылы автотұрақ пайда болатынын айтып берді, деп хабарлайды ҚазАқпарат тілшісі.

Ұқсас жаңалықтар
Алматыда автотұрақтың ақысы қымбаттауы мүмкін Демалыс күндері жолда қалған 28 адам құтқарылып, 159 жолаушы эвакуацияланды - ТЖК Жамбылда жыл басынан бері 140-тан астам көлік өртенген

Оның сөзіне қарағанда, 2015-2016 жылдары қала әкімдігі коммуналдық ақылы тұрақтар орналасатын жерлерді айқындады. Бұл ретте аумақтық орналастыру туралы шешім көлік трафигі жүктемесі бойынша талдау мәліметтеріне негізделді.

«Көлік жүктемесі бойынша осы мәліметтер негізінде елорданың әкімшілік іскерлік орталықтары айқындалды. Бұл жерлерде трафик ағынын реттеу тетігі ретінде және тұрақ орындарындағы айналымды арттыру үшін ақылы автотұрақтарды енгізу қажет», - деді Ш. Досыбаев.

Оның сөзіне қарағанда, аталған аумақтарға Сығанақ-Сарайшық, Мәңгілік Ел-Тұран даңғылдары аралығы еніп отыр.

«Бұл аумақта ұлттық компаниялардың, іскерлік бизнес-орталықтардың басым бөлігі орналасқандықтан, жұмыс уақыты кезінде бос тұрған автотұрақты табу қиынға түсетіні белгілі. Бұл өз кезегінде тұрғындарға және автокөлік иелеріне қолайсыздық тудырады. Себебі тұрақ іздеген жүргізушілер сол аумақты көлігімен бірнеше рет айналып шығуға мәжбүр болады. Осы арқылы көшедегі негізгі көлік трафигінің баяулауына әсер етеді», - деді ол.

Сонымен қатар Ш. Досыбаев қаланың оң жағалауында ақылы тұрақтарды енгізу жоспары туралы айтып берді.

«Оң жағалауға тоқталсақ, Сарыарқа ауданында ақылы автотұрақтарды орналастыру бойынша шешім қабылданды. Атап айтқанда, Жағалау маңы, Бөгенбай батыр, Сарыарқа және Республика даңғылдары аумағында тиісті жерлер белгіленді. Бұл аумақта тұрақ орындарын ұйымдастырудың тапшылығы сезілуде», - деді ол.

Біздің каналымызға жазылыңыз:

Басты сөздер: Нұр-Сұлтан, Көлік,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT