Елорданың ең көне театры Қазақстандағы драма театрлары фестивалінің бас жүлдесін иеленді
Қайта жаңғырған мереке – Республика күні қарсаңында көрнекті актриса, КСРО халық әртісі Шолпан Жандарбекованың 100 жылдығына арналған драма театрларының XXVIII республикалық театр фестивалінің салтанатты жабылу рәсімі өтті.
М. Горький театры аталған фестивальге А. Островскийдің «Гроза» спектаклімен халық қатысты. Режиссер Рача Махатаев пен қоюшы-суретші Ильшат Вилданов қойған «Гроза» драмасының классикалық сюжетінде белгілі бір N қаласының ақ-қара әлемінде, биік дуалдың ар жағында, тақуалық деген желеумен қатыгез адамгершілік пен екіжүзділік жасырылған, ал бұл құбылысқа махаббат, мейірімділік пен жанашырлық сезімдері қарсы тұра алуы керек
Фестиваль сыншыларының шешімімен М. Горький атындағы Мемлекеттік академиялық орыс драма театрының «Гроза» спектаклі шағын формадағы үздік қойылым деп танылса, актрисалар Ульяна Апрельская мен Айжұлдыз Халикова «Үздік әйел рөлі» және «Шолпан жұлдыз» номинацияларында жеңімпаз атанды.
«Мұндай кездесулерде біз әріптестеріміздің жұмысымен танысамыз, жаңа таланттардың қалай дүниеге келгенін көріп отырмыз, бұл – өте тамаша мүмкіндік», - дейді театр актрисасы, ҚР еңбек сіңірген қайраткері Людмила Крючкова.
Режиссер Рача Махатаев та театрлардың осындай фестивальдерге қатысуға мүмкіндік алғанына ризашылығын білдірді.
«Труппаның басқа театрлармен, басқа да қойылымдармен танысуы өте пайдалы. Мұндай кездесулерден труппа кәсіби тұрғыдан өсіп, тәжірибе жинақтайды», - дейді театр режиссеры.
Еске сала кетейік, драма театрларының XХVIII республикалық фестивалі 18 қазан күні салтанатты түрде ашылды.
Сондай-ақ, 22 қазан күні Астанада Әзірбайжан Мәмбетовтің 90 жылдығына арналған театр фестивалі басталды .
Оқи отырыңыз, Алматы – еліміз бойынша театры ең көп қала. Бұл туралы Ұлттық статистика бюросы мәлім етті.
