Елорданың екі ауданында су қысымы неге төмендеп кеткені белгілі болды

None
АСТАНА. ҚазАқпарат – Елорданың Есіл мен Нұра аудандарында су қысымының төмендеуіне құбырдың зақымдануы себеп болды. Бұл жайына «Астана су арнасы» мекемесінен мәлім етті, деп хабарлайды ҚазАқпарат тілшісі.

Кәсіпорын баспасөз қызметінің мәліметінше, Алматы ауданындағы Момышұлы, 1 мекенжайында орналасқан жаңа мектепке жол салу кезінде «Стройпроминвест» ЖШС (тапсырыс беруші – Bi Group) диаметрі 150 мм-лік су құбырын зақымдаған.

«Жарықты бітеу сағат 01:25-тен 05:00-ге дейін созылды. Сондықтан сол аралықта сол жағалау бағытында өтетін диаметрі 1000 мм-лік су құбырын уақытша жабуға тура келді. Осы жұмыстардың барысында Есіл және Нұра аудандарында су қысымының төмендеуі байқалды. Су беру жүйесі біртіндеп қалыпқа келіп жатыр», - деді «Астана су арнасынан».


Соңғы жаңалықтар