+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Елорданың бас имамы Ораза айтты үйде қарсы алуға шақырды

2020 жылғы 23 мамыр 16:20
Бөлісіңіз:
Елорданың бас имамы Ораза айтты үйде қарсы алуға шақырды

НҰР-СҰЛТАН. ҚазАқпарат - Ертең мұсылмандардың ең маңызды мерекелерінің бірі басталады, деп хабарлайды ҚазАқпарат елорда әкімдігінің ресми сайтына сілтеме жасап.

Нұр-Сұлтан қаласының бас имамы ҚМБД мәлімдемесіне сәйкес, Ораза айт мерекесін карантин жағдайында барынша сақтық шараларын сақтап, үйде қарсы алуға шақырды.

«Қадірменді елордалықтар, Алла тағала баршамыздың Рамазан айында ұстаған оразамызды қабыл етсін. Қазақстан мұсылмандар діни басқармасының мәлімдеуінше, биылғы Айт мейрамы мамырдың 24-не сәйкес келіп тұр. Бірақ өкінішке қарай, ел карантин жағдайында болғандықтан кеңінен атап өте алмаймыз. Әрбір мұсылман індеттің өршіп кету қаупі болғандықтан сақтық шараларына жіті мән беру қажет. Барынша отбасымызбен, үйде бірге өткізгеніміз дұрыс болады. Айтта туған-туыстарымызды, жақындарымызды құттықтау - мұсылманның міндеті. ҚМБД мәлімдемесіне түсіністік танытып, үйде болуыңызды сұраймыз», – дейді елорданың бас имамы өз құттықтауында.

Оның сөзіне сенсек, айт намазын оқи алмаған адам, оның орнына «Уад-духаа» намазын оқиды.

«Алла Рамазан айында жасалған ізгі амалдарымызды, ұстаған оразаларымызды қабыл еткей. Еліміздің тұғырын биік қылғай» деп түйіндеді елорданың бас имамы.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT