Елордалықтар Геннадий Головкинді қолдап өлең оқыды
Видеороликті авторлары әлеуметтік желіге жүктеген. Өлеңді Саид Сапин жазған.
«Маған барлық уақытта да Геннадий ұнайды. Оның жекпе-жегін алғаш рет Олимпиада ойындарында көріп, жұдырықтасу мәнеріне таң қалғаным есімде. Меніңше, Геннадий жастар үшін тамаша үлгі боларлық жан. Геннадийдің Канело Альвареске қарсы соңғы жекпе-жегін көргеннен кейін оған қолдау көрсеткім келді. Бірақ, оны қалай жүзеге асырарымды білмедім. Содан кейін менің ақын екенімді білетін жақын досым өлең жазуға ұсыныс жасады», - деді Саид Сапин.
Сонымен қатар ол Геннадий Головкин әйтеуір бір осы жолдауларын көретіндігіне үміт артатындығын айтты.
Еске салайық, Головкин - «Канело» рематчы 16 қыркүйек күні Америка Құрама Штаттарының Лас-Вегас қаласындағы T-Mobile Arena-сында өткен болатын. Нәтижесінде отандасымыз төрешілер шешімімен (113-115, 114-114, 113-115) жеңіліп, WBA Super, WBC және IBO тұжырымдары бойынша орта салмақтағы чемпиондық белдіктерінен айырылды. Олардың бірінші айқасы былтыр тең нәтижемен аяқталған болатын.