АСТАНА. ҚазАқпарат - Елордадағы түнгі клубтардың бірінде мефедрон сатылған, деп хабарлайды ҚазАқпарат polisia.kz cілтеме жасап хабарлайды.
Күдіктінің жастар жиі уақыт өткізетін ойын-сауық мекемесінде жұмыс істегені анықталды. Ол тұрақты тұтынушылары бар клубта мефедрон сатуды ұйымдастырған.
«22 жастағы елорда тұрғынын тінту барысында жігіттің шұлығынан аса ірі мөлшердегі мефедрон есірткі заты тәркіленді. Ол қамауға алынды. Аталған фактіге қатысты сотқа дейінгі тергеу амалдары жүргізіліп жатыр», - делінген полиция хабарламасында.