Елордалық жүргізуші көлігіне нөмірді жасыратын құрылғы орнатып алған
Нұр-Сұлтан қалалық Полиция департаментінің мәліметінше, ішкі істер органы қызметкерлері көлікті қарау барысында мемлекеттік тіркеу нөмірін жасыруға мүмкіндік беретін арнаулы жиектеменің бар екендігін анықтады. 24 жастағы жүргізуші орнатып алған жиектеме мемлекеттік нөмірдің цифр және әріп белгілерін көлегейлеуге мүмкіндік береді.
«Жүргізушіге мемлекеттік тіркеу нөмірі белгілерін анықтауға кедергі келтіретін арнаулы құрылғыны қолдану арқылы көлік құралын басқарғаны үшін ҚР Әкімшілік құқық бұзушылық туралы кодекстің 590-бабы 4-тармағымен әкімшілік хаттама толтырылды. Жүргізуші сот шешімімен 20 АЕК мөлшерінде айыппұл төлеуі немесе 1 жылға көлік құралын жүргізу құқығынан айырылуы мүмкін. Арнаулы жиектеме тәркіленіп, құқық бұзушының көлігі коммуналдық автотұраққа қойылды», - деп атап өтеді ведомстводан.
Фото: kazpravda.kz