Елордалық түлектер мейрамханадағы кештерден бас тартуда

НҰР-СҰЛТАН. ҚазАқпарат - Елорадалық түлектер мектеп бітіру кешіне арналған салтанатты шараны артық шығынсыз өткізу акциясына қатысып жатыр. Бұл туралы ҚазАқпарат Елорда Инфо сайтына сілтеме жасап хабарлайды.

«Бірыңғай «Жас ұлан» балалар мен жасөспірімдер ұйымы» мен «Адал ұрпақ» мектеп клубтарының мүшелері ұсынған сhallenge жастар арасында кеңінен қолдау табуда.

Қалалық білім басқармасының баспасөз қызметінің мәліметіне сәйкес, қазірдің өзінде Нұр-Сұлтанда 24 мектеп аста-көк шара мен лимузиндер жалдап тойлаудан бас тартты. Олар түлектер кешін мектеп қабырғасында өткізуді ұйғарған.