+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Елордалық театрда «QALLEKI» шығармашылық лабораториясы ашылды

2021 жылғы 30 сәуір 20:41
Бөлісіңіз:
Елордалық театрда «QALLEKI» шығармашылық лабораториясы ашылды

НҰР-СҰЛТАН. ҚазАқпарат – Қ.Қуанышбаев атындағы мемлекеттік академиялық қазақ музыкалық драма театрында еркін шығармашылыққа арналған «QALLEKI» лабораториясы ашылды, деп хабарлайды ҚазАқпарат.

Ұқсас жаңалықтар
Түркия азаматы елордадағы қонақүйлердің бірінде ұрлық жасап, ұсталды Арнайы экономикалық аймақ аясында елордада қандай жобалар жүзеге асырылып жатыр Нұр-Сұлтанда шолақ аңшы мылтығын алып жүрген жас жігіт ұсталды

Зертхана шымылдығы театрдың жас актері Бәзіл Сұлтанғазы режиссерлік еткен Оралхан Бөкейдің «Ұйқым келмейді» драмасымен салтанатты түрде ашылды.

Лабораторияның мақсаты – шығармашыл жандар үшін байланыс ортасын құру және өнерге өзгеше көзқарас жасап, тың дүниелерді сахналау. Сондай-ақ, шетелдік мамандармен шеберлік сабақтарын ұйымдастыру, жазушы-драматургтермен кездесу, пьеса талқылау, жаңа режиссерлермен байланыс орнату сынды көптеген шара жоспарланған.

«Осы театрға басшылыққа келгенде жаңа ғимаратты араладым. Сонда осы залды көріп, көз алдыма спектакль ойнағаны елестеді. Содан кейін Бәзілдің өзі балаларды жинап алып, жаңа қойылымдарға дайындалып жүр екен. «Болам деген баланың бетіне қақпа, белін бу» дейді. Сол жастарға мүмкіндік беру үшін эксперименталды зертхана ашып жатырмыз. Бұл ғимараттағы негізгі екі залымыздан кейінгі үшінші сахна болып отыр. Әрине, мұндай жобалар жер-жерде ашылып жатыр. Бірақ үлкен мемлекеттік театр ішінен лаборатория бірінші рет қолға алынуда. Мұны көпфункциялы зал деп атауға болады. Қалай еркіңе бағындырып, қандай форматта қойылым қоюды өзің шешесің», - деді Театрдың көркемдік жетекшісі, қазақстанның еңбек сіңірген қайраткері Қуандық Қыстықбай журналистерге арналған баспасөз конференциясында.

Тағы бір ерекшелігі, Qalleki лабораториясы – елордалықтарға арналған алғашқы кешкі театр. Бұл да жастардың кешкі уақытын театрда өткізуі үшін жасалған әрекет. Мұнда тек қойылымдар ғана емес, драматургтердің пьесаларын талқылау, ақындар кеші, авторлық әндер кеші сынды түрлі шараларды өткізуге болады. Билеттері онлайн сатылады.

«Қоғамдық орындарда өз замандастарыммен сөйлескенде, «Театрға неге келмейсің?» деген сұраққа «Маған қызық емес» деген жауаптар еститінмін. Сондықтан, бүгінгі қойылымда да өз замандастарымыздың проблемасын қозғауға тырыстық. Спектакльде 9 актер ойнайды. Барлығы – Қаллеки театрының жастары. Онда алғашқы махаббат, адам бойындағы сезімдер туралы айтылады», - дейді актер, режиссер Бәзіл Сұлтанғазы.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT