+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Елордалық спортшылар Дубайдағы халықаралық турнирде 11 алтын медаль еншіледі

2021 жылғы 12 шілде 04:20
Бөлісіңіз:
Елордалық спортшылар Дубайдағы халықаралық турнирде 11 алтын медаль еншіледі

ДУБАЙ. ҚазАқпарат - Біріккен Араб Әмірліктерінің астанасы Дубайда 9-10 шілде күндері джиу-джитсудан халықаралық турнир өтті. Әлемнің 15 елінен мыңнан аса спортшы «GI» және «NO GI» бойынша бақ сынады, деп хабарлайды ҚазАқпарат елорда әкімдігінің ресми сайтына сілтеме жасап.

Ұқсас жаңалықтар
Нұр-Сұлтанда жүрек донорларының құрметіне арт-нысан ашылды UEFA Чемпиондар лигасы: «Манчестер Юнайтед» бірінші орынға көтерілді 2022 жылғы қысқы Олимпиада ойындарының алауы Бейжіңге жетті

Байрақты бәсекеде елордалық спортшылар қарсылас шақ келтірмей, 11 алтын, 1 күміс 1 қола медаль еншіледі.

Джиу-джитсудан Нұр-Сұлтан қаласының аға жаттықтырушысы Арманжан Рузахунов спортшылардың нәтижесіне өз бағасын берді.

«Жарыс өте жоғары деңгейде өтті. Спортшылардың дайындығы да көңіл қуантты. Нұр-Сұлтан қаласынан барған 11 спортшымыздың бәрі жүлделі болды. Бұл біз үшін өте үлкен көрсеткіш», – деді Арманжан Рузахунов.

Дүбірлі додада ұлттық құрама мүшелері Ислам Мамилов (77 кг) пен Галина Дуванова (55кг) өз салмақ дәрежесінде алтыннан алқа тақса, Нұржан Батырбеков «NO GI» санатында бірінші орын, ал «GI»-да екінші орын алды.

Сондай-ақ жасөспірімдер арасында ұлттық құрама мүшелері Әлібек Абулхайыр (60 кг) мен Томирис Бекмурзина (52 кг) жарыстың алтын жүлдесін жеңіп алды.

Арман Сатыбалдин (62 кг), Асхат Нұргажинов (77 кг), Азамат Истамбеков (69 кг), Әсел Адамова (55 кг), Рүстем Каримов (85 кг), Абдурахман Самарханов (66 кг) жеңімпаз атанып, Әнұранымызды асқақтатса, Адамбек Нариманов 94 келі салмақта қола жүлдеге қол жеткізді.

Осылайша Нұр-Сұлтан қаласының спортшылары халықаралық бәсекеде құрама қоржынына 13 медаль салып, ел мерейін үстем етті.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT