USD 436.29 EUR 492.83
RUB 5.92 CNY 68.48
Jańalyqtar

Елордалық полицейлер 20 жыл бұрын жоғалған адамды тапты

2021 жылғы 6 сәуір 15:01
Бөлісіңіз:
Елордалық полицейлер 20 жыл бұрын жоғалған адамды тапты

НҰР-СҰЛТАН. ҚазАқпарат - Нұр-Сұлтан қаласы Полиция департаменті басшысының атына жоғалып кеткен туысын тапқан Орал қаласы тұрғынан алғыс хат келді. Бұл туралы ҚазАқпарат Нұр-Сұлтан қаласы Полиция департаментінің баспасөз қызметіне сілтеме жасап хабарлайды.

«Орал тұрғыны Наталья Константиновна учаскелік полиция инспекторы, полиция капитаны Көпжасар Жүсіповке 20 жыл бойы іздеген туысын тауып бергені үшін алғыс айтты», - делінген баспасөз хабарламасында.

Ол туысын табу мақсатында елордадағы Полиция департаментінің кезекші бөлініме хабарласқан. Оған жоғалып кеткен ер адамның тұруы мүмкін ауданға жауапты учаскелік полициясының нөмірін берген.

«Әйел учаскелік полициядан 20 жыл бұрын жоғалтқан туысын тауып беруді өтінген. Ол 2 күн ішінде ер адамды тауып, Оралға жетуіне көмектескен. Ер адамның тұрғылықты мекен-жайы болмаған және әртүрлі орайы келген жұмыстарды істеген. Полиция қызметкері оған азық-түлік пен пойызға билет сатып алып берген. Оны Оралдағы туысы күтіп алды», - делінген хабарламада.


Біздің каналымызға жазылыңыз:

Бөлісіңіз:

Автор:

Зарина Қаһарман

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT