Елордалық дәрігерлер 23 аптада туған нәрестені аман алып қалды

None
АСТАНА. ҚазАқпарат - Астанадағы №3 көпсалалы қалалық аурухананың акушерлік блогы қуанышты оқиғаны атап өтуде, кішкентай Зере үйіне шығарылды, ол 23 аптада дүниеге келген, деп хабарлайды ҚазАқпарат.

Жергілікті әкімдіктің мәліметінше, ө мірге келген кезде сәбидің салмағы - 600 гр, бойының ұзындығы бір парақ қағазбен бірдей - 32 см болған.

Қыздың анасы босанғаннан кейін ауруханада 124 күн жатқанын айтты. Оның ішінде 88 күн - реанимацияда, қалған күндер жаңа туған нәрестелерді күту бөлімінде өтті.

«Қызыма аяғым ауыр екенін білгенде, біз үшін бұл үлкен қуаныш болды. Жүктілік асқынусыз жақсы өтті. Бірақ 23-ші аптада су кетіп, мерзімінен бұрын босануға тура келді. Біздің Зереміз 600 грамм салмақпен туды. Жақсы мамандардың, тәжірибелі дәрігерлердің арқасында қызым тірі қалды», - деп еске алады әйел.

4 айдың ішінде дәрігерлер мен медбикелер нәрестеге үйреніп қалды, оны жақсы көреді. Осы уақыт аралығында сәби өсіп, сүйектері қатайып қалды. Перзентханадан шыққан кезде оның салмағы 2970 грамм болды.

«Бала өте аз дене салмағымен туғандықтан, оның жағдайы, тыныс алуы ауыр болды. Анасының махаббатының, білікті мамандардың, неанотологтардың ерекше қамқорлығының арқасында баланың денсаулығына қауіп жоқ», - деді Балалар реанимациясы және қарқынды терапия бөлімінің меңгерушісі Ирина Александровна.

Жыл сайын №3 көпсалалы қалалық ауруханада салмағы 1500 граммға жетпейтін 80-ге жуық сәби дүниеге келеді. Ағымдағы жылдың тоғыз айында осы салмақта 50 бала перзентханадан шықты.


Соңғы жаңалықтар