+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Астаналық бүлдіршіндер жыл соңына дейін балабақшамен толық қамтылады

2019 жылғы 13 сәуір 20:00
Бөлісіңіз:
Астаналық бүлдіршіндер жыл соңына дейін балабақшамен толық қамтылады

НҰР-СҰЛТАН. ҚазАқпарат - Үстіміздегі жылдың соңына дейін астаналық бүлдіршіндер 100% мектепке дейінгі білім берумен қамтамасыз етіледі. Бұл туралы әкімдікте өткен қалалық мәслихат отырысында Нұр-Сұлтан қаласы Білім басқармасының басшысы Әнуар Жанғозин айтты, деп хабарлайды ҚазАқпарат тілшісі.

«Бүгінде қаладағы балабақшаларда 2 100 бейнебақылау камерасы орнатылды, олардың барлығы «iKomek» орталығының бақылауында. Балалардың қауіпсіздігін қамтамасыз ету мақсатында балабақшаларда тағы 2 мың бейнебақылау орнату керек. Бұл жұмысты әкімнің тапсырмасына сәйкес жылдың соңына дейін аяқтауымыз қажет», - деді Ә.Жанғозин.

Білім басқармасы басшысының дерегіне сүйенсек, бүгінде қала бойынша 375 мектепке дейінгі білім беру мекемесінде 58 мың тәрбиеленуші білім алуда.

«Өткен жылы 2 жастан 6 жасқа дейінгі балаларды балабақшамен қамту 78%-ды құраған, осы жылы 90%-ды құрап отыр. Оның ішінде 36%-ы мемлекеттік тапсырыспен білім беретін жекеменшік балабақшада тәрбиеленуде. Осы көктемде балабақшалардан 7 мың тәрбиеленуші мектепке жол тартады, тиісінше олардың орнына басқа 7 мың бала келеді. Осылайша жыл соңына дейін, елорда бүлдіршіндерін мектепке дейінгі білім берумен 100% қамтымақпыз», - деді ол.

Айта кетсек, бұған дейін Ә.Жанғозин бас қалада тегін балабақша туралы ақпаратты қайдан, қалай алуға болатынын айтып берген болатын.

Біздің каналымызға жазылыңыз:

Басты сөздер: Нұр-Сұлтан, Білім,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT