+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Елордаға азық-түлік қажетті көлемде жеткізілуде – қала әкімдігі

2020 жылғы 30 наурыз 18:17
Бөлісіңіз:
Елордаға азық-түлік қажетті көлемде жеткізілуде – қала әкімдігі

НҰР-СҰЛТАН. ҚазАқпарат – Карантин кезеңінде елордаға азық-түлік тұрақты жеткізіліп жатыр. Бұл туралы Нұр-Сұлтан қаласы әкімдігі сауда және қызмет көрсету саласын дамыту бөлімінің жетекшісі Руслан Ыдырысов мәлім етті, деп хабарлайды ҚазАқпарат тілшісі.

Айта кетейік, карантин режімінің күшейтілуіне байланысты әлеуметтік желілерде елордадағы әлеуметтік маңыздағы азық-түлік көлеміне қатысты түрлі пікірлер тарауда.

«Бүгінде елорда бойынша азық-түлік жеткізу тұрғысында ешқандай проблема жоқ. Өнімдер күн сайын тұрақты жеткізілуде. Орташа алғанда, айына қалаға 77,4 мың тонна өнім керек. Оның ішінде 19 әлеуметтік маңыздағы өнім бойынша 39 мың тонна қамтылады. Қалада ресми түрде 80 наубайхана жұмыс істеп тұр, ал жалпы олардың саны 150-180 аралығында. Сондықтан нан күнделікті дүкендерге жеткізілуде», - деді Р. Ыдырысов агенттік тілшісіне.

Сонымен қатар коронавирус инфекциясымен күрес бойынша штаб құрылғанын, оның құрамында қалада азық-түлікті жеткізуге жауапты топтар бар екенін еске салды.

«Мониторинг барысында нарыққа азық-түлік жеткізуде ешқандай кедергілер жоқ. Қала тұрғындары қажетті өніммен толықтай қамтамасыз етілген», - деді ол.

Осы орайда ет өнімдері де күн сайын жеткізіліп жатыр. Сонымен қатар, Ақмола және Қарағанды облыстарынан күнделікті сүт өнімдері тасымалдануда.

Р. Ыдырысовтың айтуынша, кәсіпорындардың көбісі өнімді бұрынғы деңгейде өндіріп жатыр.

«Атап айтқанда, бұл бағытта ешқандай кедергілер байқалмады, сәйкесінше, алаңдаудың реті жоқ. Штаб тәулік бойы жұмыс істеп жатыр. Аталған топтар азық-түлікпен қалаға кірген көліктерге тұрақты мониторинг жүргізуде», - деді ол.

Бұдан бұрын хабарланғандай, наурыз айының орта кезінде Ауыл шаруашылығы министрі Сапархан Омаров қоймалардағы азық-түлік қоры туралы айтып берді.


Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT