+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Елордадағы пара пауэрлифтингтен әлем чемпионаты: 3 әлемдік рекорд орнатылды

2019 жылғы 18 шілде 21:19
Бөлісіңіз:
Елордадағы пара пауэрлифтингтен әлем чемпионаты: 3 әлемдік рекорд орнатылды

НҰР-СҰЛТАН. ҚазАқпарат – Еліміздің бас қаласында өтіп жатқан пара пауэрлифтингтен әлем чемпионатында 3 бірдей әлемдік рекорд орнатылды, деп хабарлайды ҚазАқпарат ҚР Ұлттық паралимпиада комитетіне сілтеме жасап.

Ұқсас жаңалықтар
Бес қазақстандық спортшы KWU  киокушинкайдан ӘЧ финалына өтті Футзал: Қазақстан құрамасы сынға түсетін топтың ойын күнтізбесі анықталды Бокстан Конфедерация кубогы Түркістан боксшыларына бұйырды

«Чемпионаттың алғаш күні (13 шілде) екі бірдей әлемдік рекорд орнатылды. Атап айтқанда, «А» тобында 41 келі салмақ санатындағы әйелдер арасында қытайлық Гүй Же (Cui Zhe) есімді зілтемір шебері 101 келі салмақты оңай көтеріп, әлем чемпионатының алғашқы рекордын орнатты. Дәл сол күні 45 келіден асатын орташа салмақтағы аспан асты елінің тағы бір өкілі Гуо Лингинг (Guo Linging) 118 келі нәтижесі бойынша екінші рекордты орнатты», - делінген хабарламада.




Комитеттің дерегіне сүйенсек, орнатылған рекордтың үшеуі де әйел спортшыларға тиесілі.

«Үшінші рекорд кеше (17 шілде) «А» тобында, 79 келі салмақ санатындағы әйелдер құрамында Нигерия өкілі Омолайо Бозе 142 келі зілтемірді көтеріп әлем рекордын жаңартты. Айта кетерлік жайт, чемпионаттағы барлық әлемдік рекордты әйел спортшылар жаңартты. Ерлер арасындағы рекордқа келер болсақ, жарыстың 2-ші күні 54 келі салмақ дәрежесінде 189 келі зілтемірді көтеру арқылы Владимир Кривул (Ресей) еуропалық рекордты жаңартты», - деп хабарлайды баспасөз қызметі.



Хабарламада айтылғандай, Қазақстан құрамасында әзірге жүлделі орын жоқ, дегенмен Токио-2020 паралимпиада ойынадарына 2 жолдамаға қол жеткізілді.





Біздің каналымызға жазылыңыз:

Басты сөздер: Нұр-Сұлтан, Спорт,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT