Елордадағы «Мечта» сауда үйінде вакцинация пункті ашылды

НҰР-СҰЛТАН. ҚазАқпарат - Нұр-Сұлтанда вакцинация жүргізілетін жаңа орын ашылды. Бұл пункт Республика даңғылында орналасқан «Мечта» сауда орталығының 1-қабатында орналасқан, деп хабарлайды қала әкімдігінің ресми сайты.

Бұл тұрғындарды коронавирус инфекциясына қарсы вакцинациямен қамту мақсатында жүргізіліп отыр.

Айта кетейік, сауда үйлері мен қала орталықтарында вакцинациялау орындарын ұйымдастыру Нұр-Сұлтан қаласы санитарлық-эпидемиологиялық бақылау департаментімен бірлесіп жүргізіледі.

Жаңа орындардың санитарлық талаптарға сәйкестігі мен нормалардың сақталуы қаралады.

Елордада осыған дейін екпе пунктері «Mega Silk Way», «Keruen», «Хан Шатыр» және «Абу-Даби Плаза», «Азия Парк», «Сарыарқа» СОО-ларында, сол сияқты «Әлем» және «Eurasia» сауда үйлерінде ашылған болатын. Қала әкімі Алтай Көлгіновтің тапсырмасы бойынша вакцинация пунктері 3 есеге артты.

Нұр-Сұлтанда 5 маусымдағы жағдай бойынша 166 мыңнан астам адам вакцинаның 1 компонентін алды.