+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Елордадағы «Қазақстан» спорт сарайының қызметі уақытша тоқтатылады

2019 жылғы 18 сәуір 23:43
Бөлісіңіз:
Елордадағы «Қазақстан» спорт сарайының қызметі уақытша тоқтатылады

НҰР-СҰЛТАН. ҚазАқпарат - Күрделі жөндеу жұмыстарын жүргізуге байланысты Нұр-Сұлтандағы «Қазақстан» спорт сарайының қызметі уақытша тоқтатылады, деп хабарлайды ҚазАқпарат тілшісі «Astana» ӘКК» АҚ баспасөз қызметіне сілтеме жасап.

Хабарланып отырғандай, «Қазақстан» спорт сарайының тірек конструкциялары мен ғимарат түйіндеріне кешенді тексеру жүргізілген. Тексеру нәтижесі бойынша бассейн конструкциясының апат алдындағы жай-күйі туралы қорытынды алынып, бассейн қабырғаларының салмақ көтеру қабілеттілігі мен экплуатациялық жарамдылығының айтарлықтай төмендегені туралы дәлелдер келтірілген.

«Ағымдағы және күрделі жөндеу жұмыстарын орындамау және жекелеген конструктивтік бөліктер мен элементтердің бастапқы сенімділігінің төмендеуінен конструкцияны монтаждау технологиясының бұзылуы себебінен іргетастардың, қаңқаның және ғимараттың қоршау конструкцияларының техникалық жай-күйі тұтастай алғанда III санат бойынша бағаланды. Атап айтқанда, нысанның барлық көтергіш металл конструкциялардың қосындылары, ғимараттың қасбеті, шатыры, бассейн тостағандары назарға алынды», - делінген хабарламада.

«Қазақстан» спорт сарайы 2001 жылы пайдалануға берілген. Алайда содан бері ғимаратта күрделі жөндеу жұмыстары жүргізілмеген.

«Жоғарыда айтылғандарды ескеріп, нысанға келушілер мен қызметкерлердің қауіпсіздігін қамтамасыз ету мақсатында ғимаратта күрделі жөндеу жұмыстары жүргізіліп, бассейн аймағын қайта қалпына келтіргенге дейін «Қазақстан» спорт сарайының қызметін тоқтата тұру туралы шешім қабылданды. Бұл шара 2019 жылы 11 сәуірден бастап күшіне енді және бассейн аймағын қайта құру және қалпына келтіру жөніндегі барлық жұмыстар аяқталғанға дейін күшінде болады. Нысананың пайдалану мақсатын өзгерту және оны бұзу туралы тарап жатқан ақпарат жалған. Қала тұрғындарынан жеке азаматтар тарапынан таралып жатқан ақпаратқа сенбеуін және ақпарат таратуда заңсыз әрекеттерге жол бермеуін сұраймыз», - деп хабарлайды «Astana» ӘКК» АҚ баспасөз қызметінен.

Біздің каналымызға жазылыңыз:

Басты сөздер: Нұр-Сұлтан, Спорт, Құрылыс,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT