Елордадағы діни ахуалды мониторингілеуге 40 млн теңге бөлудің қажеті қанша - «Нұр Отан» өкілі

НҰР-СҰЛТАН. ҚазАқпарат - Елордадағы діни ахуалға әлеуметтік зерттеу жүргізуге 40 млн теңге бөлу тым көп. Бұл туралы бүгін «Нұр Отан» партиясының Нұр-Сұлтан қалалық филиалы төрағасының орынбасары Владислав Сергеев айтты,  деп хабарлайды ҚазАқпарат тілшісі.

Ұқсас жаңалықтар

Елордада мереке күні балаларды қандай шараларға апаруға болады

Елордада алып суреттердің байқауы басталды Елорда атауы өзгерген соң ескі құжаттарға бюрократиялық кедергі болмасын - Тоқаев

«Иә, діни ахуалды мониторингілеу қажет екенін түсінемін. Бірақ әлеуметтік зерттеу жүргізуге жарты жылға 40 млн теңге бөлеміз бе? Меніңше, бұл  өте жоғары сома және шынымды айтсам кеңес мүшесі ретінде мұның бізге не беретініне, қандай шаралар қолданылатынына қатысты ешқандай ақпаратты көріп тұрғаным жоқ», - деді ол Нұр-Сұлтан қалалық әкімдігі жанындағы қоғамдық кеңес отырысында.

Айта кетерлігі, қоғамдық кеңес отырысында Нұр-Сұлтан қалалық стратегиялық және бюджеттік жоспарлау басқармасы басшысының міндетін атқарушы Айжан Түгелбаева 2019 жылғы қала бюджеті туралы баяндама жасады. А.Түгелбаеваның сөзіне қарағанда, қалалық қоғамдық даму істері басқармасының биылғы бюджеті 364,5 млн теңгені құрайды. Оның 40 млн теңгесі өңірдегі діни ахуалды зерделеуге және саралауға жұмсалмақ.