+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Елордадағы дәмханалардың жұмыс уақытын шектеу ұсынылды

2019 жылғы 16 сәуір 15:55
Бөлісіңіз:
Елордадағы дәмханалардың жұмыс уақытын шектеу ұсынылды

НҰР-СҰЛТАН. ҚазАқпарат - Елорда полициясы қалада көңіл көтеру орындарының жұмыс уақытына шектеу енгізуді ұсынды. Мұндай ұсынысты бүгін Нұр-Сұлтан қалалық жергілікті полиция қызметі басқармасының бастығы Тахир Әбдірахманов жасады, деп хабарлайды ҚазАқпарат тілшісі.

«Тұрғын үйлердің бірінші қабатында орналасқан көңіл көтеру орындарының сағат 23-00-ге дейін, ал жеке ғимараттағы орындар мен мейрамханалардың тек түнгі 2-ге дейін ғана жұмыс істегендігін қалаймыз. Денсаулық сақтау ұйымдары да құптар, егер адам түнгі сағат 2-ге дейін ішіп, одан кейін де удай мас болып отыра берсе түбі жақсылыққа апармайды. Не өзі қылмыс жасайды не көшеде қылмысқа ұрынады», - деді ол Нұр-Сұлтан қалалық кәсіпкерлердің құқығын қорғау және сыбайлас жемқорлыққа қарсы іс-қимыл кеңесінің отырысында.

Сонымен қатар, басқарма басшысы қаладағы көңіл көтеру орындарының күзет қызметіне қатысты да ойын білдірді.

«Біз мемлекеттік емес күзет құрылымдармен ынтымақтастықты жолға қойдық. Олар бізге мейрамханалардың ішінде ғана жәрдем көрсетеді. Алайда әдетте мейрамхана басшылығы жанжалдасқандарды мейрамханадан шығарып жіберуге тырысады. Не болса да өздерінде емес, басқа жерде болса болғаны», - деді Тахир Әбдірахманов.

Бұған дейін хабарлағанымыздай, елордада түнгі сағат 1-ден таңғы 6-ға дейінгі аралықта «Хиты ХХ - века», «Ыстанбұл», «Қазақша дискотека», «Шымкент», «Чарли Чаплин», «Пункт П», «Золото», «EscoBar» сынды көңіл көтеру орындарында қылмыс жиі орын алады. Сондықтан қазіргі уақытта полиция қызметкерлері бұзақылық жиі болатын көңіл көтеру орындары маңында кезекшілік атқара бастады.

Біздің каналымызға жазылыңыз:

Басты сөздер: Нұр-Сұлтан, Қоғам,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT