Елордадағы бірқатар медицина мекемелеріне жаңа жабдықтар жеткізілді

НҰР-СҰЛТАН. ҚазАқпарат - Нұр-Сұлтандағы № 12 емхана мен отбасылық денсаулық орталығына коронавирус инфекциясына диагностика жасауға мүмкіндік беретін жоғары сапалы сандық рентген аппараттары жеткізілді.

Ұқсас жаңалықтар

Өткен тәулікте Ақтөбеде 6 адамнан коронавирус инфекциясы анықталды

Қарағанды облысында алдағы екі жылда дәрігерлерге 300 пәтер бөлінеді Алтай Көлгінов елорданың азық-түлік қауіпсіздігі туралы айтып берді Улы өрмекшілер: Елордада ерекше көрме өтіп жатыр

Бұл туралы ҚазАқпарат елорда әкімдігінің ресми сайтына сілтеме жасап хабарлайды.

Жабдық жергілікті бюджет қаражаты есебінен сатып алынды.

Нұр-Сұлтан қаласы әкімінің орынбасары Бақтияр Мәкен бірқатар медицина мекемелеріне барып, күзгі маусымдық ауруларды ЖРВИ және тұмаудың өсуін ескеріп, ұйымдардың COVID – 19-дың екінші толқынына дайындығын тексерді.

Сапар барысында әкімнің орынбасары рентген аппараттары орнатылған сүзгі және рентген кабинеттерінің жұмысымен танысты.

Айта кетейік, елордада COVID-19 ауруының өсуі тіркелді. Жауапты тұлғалар қала тұрғындарын санитарлық нормаларды қатаң сақтауға, маска тағуға және қашықтықты сақтауға шақырады.

Естеріңізге сала кетейік, бұған дейін медицина мекемелеріне мыңнан астам оттегі концентраторы, 500 көпфункционалды арнайы төсек-орын, мыңнан астам флоуметр, 1600-ге жуық оттегі нүктелері және т. б. орнатылды.