+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Елордадағы балконы «қисайған» үйде тұру қауіпті ме – әкімдік жауабы

2019 жылғы 4 қараша 18:26
Бөлісіңіз:
Елордадағы балконы «қисайған» үйде тұру қауіпті ме – әкімдік жауабы

НҰР-СҰЛТАН. ҚазАқпарат – Елордалық қалалық орта сапасы және бақылау басқармасы басшысының орынбасары Дәулет Досқұлов «Орбита» тұрғын үй кешенінде тұру қаншалықты қауіпсіз екенін айтып берді, деп хабарлайды ҚазАқпарат тілшісі.

«Жалпы алғанда бұл нысанда тұруға болады. Адамдар 6 жылдан бері тұрып жатыр. Оларды эвакуациялаудың қажеті жоқ. Ондағы ең қауіпті нәрсе – үйдің қасбеті. Керамограниттен жасалған плиталар желден ұшып, құлауы мүмкін. Сондықтан, техникалық тексеру жұмыстарын тездетіп, қасбетін ауыстыруды көздеп отырмыз. Тұрғын үй барлық коммуналдық қызметтерге жалғанған, жылу, жарық, кәріз, су – барлығы жұмыс істеп тұр», - деді Д. Досқұлов қалалық әкімдікте берген сұхбатында.

Сонымен бірге, «Орбита» ТК қос мұнарасынан 4 және 6 қабат бөлігін алып тастау туралы сот шешімі шыққан.

«Сот шешімін біз орындамаймыз, бұл – сот орындаушыларының міндеті. Үй ешкімнің меншігінде жоқ. Тұрғындарды заңсыз орналастырғаны үшін үй салушыларға әкімшілік шаралар қолданылған. Тіпті қылмыстық іс қозғалып, ұйым басшылары абақтыға қамалды», - деді Дәулет Досқұлов.

Еске сала кетсек, «Орбита» тұрғын үй кешені пәтерлердің бірінде балкон орнынан «жылжып» кетіп, еден дірілдеген. Қалалық әкімдіктің хабарлауынша, олар проблемалы тұрғын үй туралы біледі. Қазіргі уақытта ол жақта техникалық тексеру жүргізіліп жатыр, одан кейін үйдің апаттық деңгейі анықталады.

Әкімдіктің хабарлауынша, үй пайдалануға берілмесе де, үй салушылар 6 жыл бұрын тұрғындарды заңсыз орналастырған.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT