Елордада жолақыны төлеуге арналған тағы бір мобильдік қосымша іске қосылды
Төлемді «Plus 24» мобильдік қосымшасының көмегімен автобустарда орнатылған QR-кодтарды сканерлеу арқылы іске асыруға болады.
«Жолақыны қосымшаға VISA/MASTERCARD төлем карталарын тіркеу арқылы төлеу мүмкіндігі бар», - деп хабарлады «Астана ЛРТ» ЖШС баспасөз қызметінен.
Компания қазіргі таңда елорданың қоғамдық көлігінде SMS/QR-код бойынша төлем жасаудың келесі мүмкіндіктері барын еске салады. Атап айтқанда, QR-код арқылы төлеу үшін төмендегі мобильдік қосымшалар бар:
1) Homebank (тек HalykBank және Qazkom карталары үшін);
2) SMSBUS (телефон теңгерімі мен банк картасынан төлеуге болады; кез келген банк картасын тіркеуге болады);
3) My Beeline (Beeline абоненттері үшін, телефон теңгерімінен төлем);
4) «SENIM» мобильдік қосымшасы;
5) OYBY (банк картасымен төлем жасау; кез келген банк картасын тіркеуге болады,) қосымшасы. Автобус салондарында OYBY (Ойбай!) үшін жеке QR-код жапсырмалары бар.
Телефон теңгерімі арқылы SMS-пен төлем жасау үшін 2505 нөміріне хабарлама жіберу (Activ/Kcell, Beeline, Tele2, Altel абоненттері үшін қолжетімді) керек.
Сонымен бірге, «Астана ЛРТ» компаниясының мәлітінше, елордалықтардың дені көлік карталарын «Қазпошта» бөлімшелерінде толтыруға болатынын білмейді.
«Көлік картасының теңгерімін қаладағы «Қазпошта»-ның 34 бөлімшесінде, 16 «Қазпошта» постаматтарында, 5 қала маңындағы (Қосшы, Жібек Жолы, Ақмол, Қабанбай батыр және Қараөткел) бөлімшелерінде толтыруға болады. Көлік картасын қашықтан толтырудың бұл тәсілі активацияны талап етеді», - делінген хабарламада.