23:39, 25 Маусым 2019 | GMT +6
Елордада жеңіл автокөлік көпірдің тіреуішіне соғылып, екі бүктеліп қалды
НҰР-СҰЛТАН. ҚазАқпарат - Жол-көлік оқиғасы Нұр-Сұлтандағы көпірлердің бірінде тіркеліп отыр, деп хабарлайды ҚазАқпарат тілшісі.
Жол апаты жайлы видео «za_rulem_astana» Инстаграм парақшасында жарияланды.
«Аталған факт бойынша істің мән-жайы анықталып жатыр. Жүргізуші Байырқұм көшесімен келе жатып, көлік тізгініне ие бола алмай көпірдің тіреуішіне соғылған. Жол-көлік оқиғасы салдарынан әртүрлі дене жарақатымен жүргізуші ауруханаға жеткізілді», - деп хабарлайды елорданың Полиция департаментінің баспасөз қызметі.
Департамент аталмыш жағдайдан басқа ешкімнің зардап шекпегенін хабарлайды.