Елордада «Жастар тәжірибесі» бағдарламасы іске қосылды
«Қысқа мерзімді кәсіптік оқыту бағдарламасы негізінде курсымыз жұмыс берушілердің ұсынысы арқылы ұйымдастырылады. Жастар тәжірибесі алған мамандығы бойынша бастапқы жұмыс тәжірибесін алуға арналған. Оқу - тегін. Оқу барысында мемлекет тарапынан 16 759 теңге шәкіртақы төленеді. Ұзақтығы 6 айдан аспайды. Оқу аяқталғаннан кейін жұмыссыз азаматтар жұмыс берушіге тұрақты жұмысқа орналастырылады», - дейді «Нұр-Сұлтан қаласы әкімдігінің Халықты жұмыспен қамту орталығы» КММ жұмысқа орналасуға жәрдемдесу бөлімінің жетекшісі Азамат Байтасов онлайн өткен баспасөз конференцияда.
Оның айтуынша, аталған курс 3 ай болғанмен, жартысында теория жүзінде болса, қалған бөлігінде жұмыс берушіге барып үйренеді.
«Жастар тәжірибесі» деп аталатын тағы бір бағдарлама бар. Бұл бағдарламаға оқуды диплом алған күннен бастап 3 жылдан кеш емес аяқтағандар және алған мамандығы бойынша жұмыс тәжірибесі жоқ 29 жастан аспаған жұмыссыздар қатыса алады.
«Қазіргі уақытта осы бағдарлама бойынша 900 азаматты жұмысқа орналастыруымыз қажет. 200-ден астам жас түлек жұмысқа орналастырылды. Бұл бағдарлама 6 айға қарастырылған. 6 ай ішінде жалақыны мемлекет төлейді», - дейді ол.