16:57, 04 Наурыз 2022 | GMT +6
Елордада заңсыз майнинг фермасы анықталды
НҰР-СҰЛТАН. ҚазАқпарат – Астанада заңсыз майнинг фермасы анықталды. Бұл туралы ҚР Қаржылық мониторинг агенттігінен мәлім етті, деп хабарлайды ҚазАқпарат.
«ҚР Қаржылық мониторинг агенттігінің Нұр-Сұлтан қаласы бойынша аумақтық департаменті ҚР Ұлттық қауіпсіздік комитетінің департаментімен бірлесіп, қала аумағындағы өнеркәсіптік базалардың бірінде заңсыз майнинг фермасын анықтады.
Майнингке арналған 56 бірлік құрал-жабдық табылды.
Өндірілген криптовалютаны 237 000 АҚШ долларлар көлемінде қолма-қол ақшаға айналдыру жүзеге асырылған.
Тергеу амалдары жүргізілуде», - делінген агенттік мәліметінде