+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Елордада велоспорттан өтіп жатқан жарысқа 300-ге жуық бала қатысуда

2019 жылғы 21 қыркүйек 13:01
Бөлісіңіз:
Елордада велоспорттан өтіп жатқан жарысқа 300-ге жуық бала қатысуда

НҰР-СҰЛТАН. ҚазАқпарат – Елордадағы «Сарыарқа» велотрегінде «Олимпиада үміті» атты 5-6 жастағы балалар арасында велосипед спорт түрінен Гран-при басталды, деп хабарлайды ҚазАқпарат тілшісі.

«Жарыстың талабы барлық қатысушыларға бірдей. Балалар 4 санат бойынша сайысқа түседі. Яғни, 5 жастағы ұлдар бөлек, қыздар бөлек және 6 жастағы ұлдар мен қыздар бөлек топ болып сынға түседі. Жалпы жыл санап қатысушылардың саны артып келеді, алғаш 2016 жылы өткізгенде 147 бала қатысса, биыл 280 бала қатысып отыр. Тағы бір айтып кететін жайт жарысқа қатысу тегін», - деді велосипед спортынан олимпиадалық даярлау орталығының қызметкері Динара Аубакирова.

Ұйымдастырушылардың айтуынша, аталған бәсекеге барлық ниеттілер қатыса алады, ол үшін баланың туу туралы куәлігі, медициналық анықтама және ата-анасының атынан өтініш болуы керек.

«Осымен үшінші жыл өтіп жатқан шараның мақсаты – балаларды спортқа оның ішінде велоспортқа баулу. Одан бөлек, бізде қазір балаларды велоспортпен кәсіби дайындау мақсатында іріктеу кезеңі өтіп жатыр. Іріктеуден өткен үздік деген балаларды арнайы сексия аясында кәсіби мамандар дайындайтын болады», - деді ол.

«Олимпиада үміті» велоспорт жарысының жеңімпаздарына І орынға велосипед, ІІ орынға шығыршықты коньки, ІІІ орынға шлем табыс етіледі.

Сондай-ақ, ынталандыру ретінде демеушілердің сыйлықтары қарастырылған.


Біздің каналымызға жазылыңыз:

Басты сөздер: Нұр-Сұлтан, Спорт,
Бөлісіңіз:

Автор:

Дәулет Ізтілеу

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT