Елордада үш жасөспірім бейтаныс адамға шабуыл жасаған

НҰР-СҰЛТАН. ҚазАқпарат – 32 жастағы астана тұрғыны түнде үйге қайтып келе жатқанда бұзақылар ұрып-соққан, деп хабарлайды ҚазАқпарат Нұр-Сұлтан қалалық Полиция департаментінің баспасөз қызметіне сілтеме жасап.

Ұқсас жаңалықтар

Полицияға жалған арыз жазған Өскемен тұрғыны істі болды

Полицейлерден қашып жүрген Үржар ауданының тұрғыны Алматы облысында ұсталды Өскемен тұрғынынан 2 млн теңгенің есірткісі тәркіленді Өткен жылы елімізде қылмыс көлемі 30% қысқарды

Ер адамның айтуынша, үш жасөспірім оның соңынан жүріп, оны қасақана төбелеске шақырған, содан кейін ұрып-соғып, жасырынып қалған.

Жедел-іздеу шарасы барысында бұзақылар ұсталды. Бейтаныс адамға шабуыл жасаған кәмелетке толмаған үш жігіт полицияға жеткізілді. Сондай-ақ, полицияға кәмелет жасына толмаған балалардың заңды өкілдері шақырылды.

Осы факт бойынша ҚР ҚК 293-бабы («Бұзақылық») бойынша сотқа дейінгі тергеу жүріп жатыр.

Сондай-ақ, балалардың заңды өкілдері де ҚР ӘҚБтК 442-бабы 2-тармағы (Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы) бойынша әкімшілік жауапқа тартылды.

Үш жігітті ювеналды полиция инспекторлары бақылауға алды.