+7 (701) 759 90 19
USD 409.98 EUR 462.21
RUB 5.75 CNY 58.43
Jańalyqtar

Елордада үлкен шіркеудің тасы қаланды

2019 жылғы 12 мамыр 18:52
Бөлісіңіз:
Елордада үлкен шіркеудің тасы қаланды

НҰР-СҰЛТАН. ҚазАқпарат - Бүгін елордада тағы бір шіркеудің тасы салтанатты түрде қаланды, деп хабарлайды ҚазАқпарат тілшісі.

ҚР Ақпарат және қоғамдық даму министрі Дәурен Абаевтың айтуынша, бүгінде орыстың православие шіркеуі еліміздегі дінаралық келісімді күшейтуге өз үлесін қосып келеді.

«Ұлт басшысы Нұрсұлтан Назарбаев бір маңызды мәселені үнемі айтып отырады. Ислам мен православие - бұл ортақ үйіміздегі рухани келісімнің екі тірегі. Қазақстан қашанда діндер мен мәдениеттердің ортақ үйі болған. Біздің жерімізде сан алуан этностардың өкілдері бірлік пен татулықта тұрады. Олардың барлығы өздерінің діни рәсімдерін өткізіп, ғибадатханаларын сала алады. Ал Қазақстандағы орыстың православие шіркеуі талай жылдар бойы қоғамның рухани құндылықтарын күшейтуге өз үлесін қосып, дінаралық келісімді насихаттауда мемлекеттің сенімді серігі болып келеді», - деді Д.Абаев салтанатты шарада.


Қазақстан митрополиті Александрдың сөзіне қарағанда, қазіргі кезде шіркеудің жобасы жасалып жатыр. Ал ғимараттың құрылысы алдағы үш жылда аяқталады.

«Қала тұрғындары бірнеше жыл бойы Үкіметке де, Президентке де хат жазып, Есілдің сол жағалауында тағы бір шіркеудің құрылысын бастауды сұраған. Мен де өтініш жасадым. Сөйтіп, ҚР Тұңғыш Президенті - Елбасы Нұрсұлтан Әбішұлы Назарбаев ресми түрде рұқсат берді. Жақында Ұлт көбасшысы елордада Орталық Азиядағы ең үлкен мешіттің тасын қалаған болатын. Ол жерде бір уақытта 30 мың адам намаз оқи алады. Біз де православие христиандары саны жағынан екінші діни қауымдастық ретінде құдай үйін салуға мүмкіндік алдық», - деп атап көрсетті митрополит.


Айта кетейік, жаңа шіркеу Сығанақ көшесінің бойымен Жағалау тұрғын үйіне жақын жердегі көлдің жағасында орналасады.



Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT