Қолданушы баптаулары
Қолданушы баптаулары
+7 (701) 759 90 19 Лента
USD 379.01 EUR 423.24
RUB 5.90 CNY 54.92
Jańalyqtar

Елордада Түркияның 95 жылдығына орай салтанатты қабылдау өткізілді

2018 жылғы 28 қазан 21:25 981
Бөлісіңіз:
Елордада Түркияның 95 жылдығына орай салтанатты қабылдау өткізілді

АСТАНА. ҚазАқпарат - Түркияның 95  жылдығына орай Астанада Түркия Республикасының Қазақстандағы елшілігі салтанатты қабылдау өткізді, деп хабарлайды ҚазАқпарат тілшісі.

Ұқсас жаңалықтар
Түркия қазақстандықтарға 200-ден астам тегін оқу грантын бөледі

Жыл сайын Түркияда Республика күні 29 қазанда аталып өтеді. Республиканың 95 жылдығына орай Түркия елшілігі меймандарға арнайы қабылдау өткізді. Салтанатты іс-шараға еліміздің лауазымды тұлғалары мен қоғам қайраткерлері, Қазақстандағы шетелдік елшіліктердің өкілдері қатысты.

Жиында Түркияның Қазақстан Республикасындағы Төтенше және Өкілетті Елшісі Невзат Уянык Түркия президенті Режеп Тайып Ердоғанның хатын оқып берді.

«Еліміздің тұрғындарын жəне шет мемлекеттерде өмір сүріп жатқан отандастарымызды, бұл күнді бізбен бірге мақтаныш ететін барша достарымызды 29 қазанда аталып өтетін Республика күнімен құттықтаймын. Республикамыздың 95 жылдығы аталып өтіп жатқан осы күні Азаттық соғысында бізді жеңіске жеткізіп, жаңа мемлекет құру жолында күрескен Мұстафа Кемал Ататүріктен бастап барша қаһармандарымызды ризашылықпен жəне құрметпен еске аламын», - делінген Түркия президентінің хатында.

Невзат Уянык өз сөзінде қуанышты бөлісуге келіп отырған барлық мейманға алғысын білдірді.


Елордада Түркияның 95 жылдығына орай салтанатты қабылдау өткізілдіӨз кезегінде кеште қонақ болған ҚР Инвестициялар жəне даму министрі Жеңіс Қасымбек Қазақстан халқы мен Үкіметі атынан бауырлас елдің мерейлі күнімен құттықтады.

«Біздің дипломатиялық қатынасымыздың орнағанына 30 жылға таяп қалды. Бауырлас Түркияның біздің Тəуелсіздігімізді бірінші болып танығаны əрқашан Қазақстан халқының есінде. Қазақстан менТүркия арасындағы стратегиялық əріптестік, рухани достық нығайып келеді», - деді Жеңіс Қасымбек.

Салтанатты қабылдаудың соңы мерекелік сипатта өрбіп, өнер иелері меймандарға əннен шашу шашты.
Елордада Түркияның 95 жылдығына орай салтанатты қабылдау өткізілді

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT