USD 434.84 EUR 498.2
RUB 5.72 CNY 68.47
Jańalyqtar

Елордада тұрғын үй меншік иелері бірлестігінің орталығы ашылды

2021 жылғы 2 желтоқсан 12:22
Бөлісіңіз:
Елордада тұрғын үй меншік иелері бірлестігінің орталығы ашылды

НҰР-СҰЛТАН. ҚАЗАҚПАРАТ – Елордада меншік иелері бірлестігіне көшу бойынша тұрғындарға кеңес беретін орталық ашылды. Бұл туралы Нұр-Сұлтан қаласы тұрғын үй және тұрғын үй инспекциясы басқармасы басшысының орынбасары Дархан Құлбаев мәлім етті, деп хабарлайды ҚазАқпарат тілшісі.

Ұқсас жаңалықтар
Сенатор апаттық жағдайдағы тұрғын үй иелеріне жалдамалы жаңа баспананы кейін сатып алу мүмкіндігін беруді ұсынды

«Бүгінде елорда халқына ыңғайлы болу үшін тұрғын үй мәселелеріне қатысты бір жерден мемлекеттік органға жүгінуге мүмкіндік беретін тұрғын үй орталығы құрылды. Орталық мамандары ай сайын 350-ге жуық меншік иелеріне көппәтерлі тұрғын үйді басқару бойынша кеңес береді. Сондай-ақ, тұрғын үй инспекциясы басқармасы, аудан әкімдігі аппараттарының қызметкерлері және белсенді елорда тұрғындарынан құралған мобильді топ ұйымдастырылды. Мақсат- тұрғын үйді басқару және дамытуға қатысты халық арасында түсіндіру жұмысын өткізу, кеңес беру. Сонымен қатар меншік иелері бірлестігін құруда қолдау көрсету. Бекітілген кестеге сәйкес төрт аудан бойынша тұрғындар арасында түсіндіру жұмыстары тұрақты жүріп тұр», - Дархан Құлбаев елорда әкімдігінде өткен баспасөз мәслихатында.

Оның айтуынша, астаналықтарға жиналыс барысында тұрғын үй заңнамасының нормалары да түсіндіріледі.

«Меншік иелері бірлестігіне көшу бойынша тұрғындарға кеңес беретін орталық ашылды. Ашылған сәттен бастап орталыққа тұрғындардан 4500-ден астам өтініш келіп түсті. Сондай-ақ iKomek қызметі арқылы кеңес алуға болады. Бүгінде елордада 560 көппәтерлі тұрғын үйде 434 меншік иелері бірлестігі жұмыс істеп тұр», - дейді ол.

Бұған дейін Нұр-Сұлтанда «Елорда көршілері» бағдарламасының іске қосылғаны туралы хабарлаған едік.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT