+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Елордада түнгі клуб екі айда 4 мәрте карантинді бұзған

2020 жылғы 17 қазан 16:14
Бөлісіңіз:
Елордада түнгі клуб екі айда 4 мәрте карантинді бұзған

НҰР-СҰЛТАН. ҚазАқпарат - Елорда полициясы бір тәуліктің ішінде карантин режимін бұзудың 65 фактісін анықтады, деп хабарлайды ҚазАқпарат тілшісі.

Ұқсас жаңалықтар
СҚО-да екі күнде карантин талабын бұзудың 60-қа жуық дерегі анықталды Халықаралық рейспен келген 245 жолаушы карантинге жатқызылды Теміртауда түнгі клубтағылар жертөлеге жасырынған

Нұр-Сұлтан қалалық полиция департаментінің мәліметінше, карантин режимін жиі бұзатын дәмхана, мейрамхана, караоке, бар, сауда орталықтары ерекше назар алынған. Полиция қызметкерлері кәсіпкерлік субъектілеріне күнделікті түнгі және күндізгі рейдтер жүргізіп, карантин режімін бұзушыларды анықтап, оларды жауапкершілікке тартады.

Сонымен қатар көңіл көтеру орындарына барып, олардың иелеріне карантин шараларының қолданыста екендігін ескертіп отырады.

«Нұр-Сұлтан полициясының қызметкерлері Тауарлар мен көрсетілетін қызметтердің сапасын және қауіпсіздігін бақылау басқармасы өкілдерімен бірге бір тәуліктің ішінде 195 кәсіпкерлік нысанын тексеріп, карантин режимін бұзудың 65 фактісін анықтады. Атап айтқанда, Тұран көшесінде орналасқан «ZOLOTO» мейрамханасында сағат 23:01 кезінде шамамен 100 қонақ болған. Мейрамхана әлеуметтік арақашықтықты сақтамай қызмет көрсеткен. Көрші үстелдердің шеткі орындары арасында кемінде 2 метр әлеуметтік қашықтықты сақтай отырып және бір үстелге 4-6 адамнан аспайтындай етіп отырғызып, күшейтілген санитарлық-профилактикалық іс-шараларды сақтаумен, жұмыс күндері және демалыс күндері сағат 9:00-ден 22:00-ге дейін жұмыс кестесін орындамаған» деп атап өтеді департаменттен.

Сонымен қатар, түнгі сағат 02:00 шамасында 102 арнасына Қонаев көшесіндегі үйдің тұрғындарынан «CABERA» дәмхана-барында музыка дауысы қатты шығып тұрғаны туралы шағым түскен. Шақырту орнына жедел аттанған полиция қызметкерлері дәмханада карантинге қарамастан музыка дауысын қатты қойып, билеп жүрген адамдарды анықтады.

«CABERA» дәмханасының клиенттері мен әкімшілігі Есіл аудандық полиция басқармасына жеткізіліп, 11 адам ҚР ӘҚБтК 437-бабымен әкімшілік жауапкершілікке тартылды. Ал дәмхана әкімшілігі шектеу шараларын бұзғаны үшін осы кодекстің 425-бабымен жазаланады.

Ведомствоның атап өтуінше, «CABERA» дәмхана-бары шектеу шараларына қарамастан режимді жиі бұзады.

Соңғы 2 айдың ішінде дәмхана 4 рет полиция қызметкерлерінің назарына ілігіп, әкімшілігі мен қожайыны бірнеше мәрте жауапкершілікке тартылған.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Үмбет Шолпан
Үмбет Шолпан
954-059

MURAǴAT